मुंबई महापालिकेच्या नायर इस्पितळातील सहकारी तत्त्वावरील औषध दुकानात उत्पादन परवाना नसलेल्या औषधांचा पुरवठा गेल्याची गंभीर बाब पुढे आल्यानंतर अन्न व औषध प्रशासनाने या औषध दुकानाचा परवाना रद्द केला आहे.नायर इस्पितळात दि नॅशनल कन्झ्युमर्स को-ॲाप सोसायटी लि. या नावे औषधाचे दुकान आहे. या दुकानातून परवाना नसलेल्या उत्पादक कंपन्यांची औषधे विकल्याची तक्रार अन्न व औषध प्रशासनाकडे दाखल झाली होती. त्यानंतर औषध निरीक्षक रा. बा. बनकर तसेच गुप्तवार्ता विभागाने निरीक्षक आर. व्ही. रवी यांनी सुंदर औषध दुकानाची तपासणी करून अहवाल सादर केला. या अहवालात परवाना नसलेल्या कंपनीच्या औषधांचा पुरवठा झाल्याची गंभीर बाब नजरेस आली. त्यानंतर नॅशनल कन्झ्युमर्स सोसायटीवर `कारणे दाखवाʼ नोटिस बजावण्यात आली. या नोटिशीला सोसायटीने उत्तर दिले. मात्र ते समाधानकारक न वाटल्याने संबंधित कंपनीचा व या सोसायटीच्या नावे असलेला दुकानाचा औषध परवाना रद्द करण्यात आल्याचे अन्न व औषध प्रशासनाचे सहआयुक्त गौरीशंकर बायले यांनी सांगितले.

हेही वाचा >>>पहिली बाजू : पूर्वग्रह संघाचे की टीकाकारांचे?

आणखी वाचा
After cochlear implant surgery included in Mahatma Phule Jan Arogya Yojana Nagpur saw first surgery
महात्मा फुले योजनेतून राज्यातील पहिली कर्णरोपण शस्त्रक्रिया नागपुरात… दोन वर्षीय चिमुकला…
Who is Madhurima Raje?
Madhurima Raje : सतेज पाटील ज्यांच्यामुळे ढसाढसा रडले…
News About Salman Khan
Salman Khan Threat : सलमान खानला धमकी देणाऱ्या तरुणाला ‘या’ राज्यातून करण्यात आली अटक, ५ कोटींची मागितली खंडणी
Rashmi SHukla on Sharad Pawar
Rashmi Shukla Transferred : रश्मी शुक्लांच्या बदलीवर शरद पवारांची प्रतिक्रया, म्हणाले, “आता त्या…”
10 kg ganja seized in pune
मध्य प्रदेशातून गोव्यात गांजाची तस्करी करणारे गजाआड, खडकी परिसरात कारवाई; दहा किलो गांजा जप्त
state government ordered repossession of 116 acres of land in Kandivali due to unauthorized commercial use
कांदिवली औद्योगिक वसाहतीचा ११६ एकर भूखंड परत घेण्याचे आदेश, उच्च न्यायालयाकडून तूर्त अंतरिम स्थगिती
india reaction on us sanctioned indian firm
अमेरिकेकडून देशातील १९ कंपन्यांवर निर्बंध; भारत सरकारची पहिली प्रतिक्रिया; म्हणाले, “या कंपन्या…”
Coconuts Are Not Allowed On Planes
Coconuts Are Not Allowed On Planes : विमान प्रवासात नारळ घेऊन जाण्यावर का आहे बंदी? वाचा नियम, तोटे अन् तज्ज्ञांचे मत

या अहवालानुसार, फ्युझन हेल्थकेअर प्रा. लि.च्या वैद्यकीय प्रतिनिधीकडे संबंधित दुकानाने औषधांची तोंडी मागणी नोंदविली होती. मात्र घाटकोपर येथील ज्या मे. कुबेकॅान सर्व्हिसेस इंडिया लिमिटेड यांच्याकडे पुरवठा झाला त्या कंपनीकडे संबंधित सोसायटीने लेखी मागणीपत्र नोंदविले नव्हते. तरीही संबंधित कंपनीकडून परवाना मंजूर नसतानाही औषधांचा पुरवठा केला व त्या औषधांची खरेदी तसेच विक्री संबंधित औषध दुकानाने केल्याचे स्पष्ट करण्यात आले आहे. याबाबत तक्रार आली म्हणून हा प्रकार उघड झाला. मात्र हे धोकादायक असल्यामुळेच परवाना रद्द करण्यात आल्याचे बायले यांनी सांगितले. याविरोधात अपील करण्यासाठी संबंधित सोसायटीकडे ९० दिवस आहेत. अपील फेटाळले गेले तर या सोसायटीचा परवाना कायमस्वरूटी रद्द होईल, असे बायले यांनी सांगितले.

हेही वाचा >>>मुंबई : ऋतुजा लटके यांच्या राजीनाम्यावरून पेच ; पुन्हा शिंदे गट आणि ठाकरे गटात लढाई

दि नॅशनल कन्झ्युमर को-ॲाप सोसायटीचे अध्यक्ष डॅा. देवीदास शेट्टी यांना विचारले असता ते म्हणाले, की अन्न व औषध प्रशासनाचा काहीतरी गैरसमज झाला असून दिलेल्या मुदतीत संबंधित यंत्रणांकडे अपील करून तो दूर केला जाईल. याबाबत आमच्या कार्यकारी मंडळापुढे हा विषय ठेवून चर्चेनंतर निर्णय घेतला जाईल, असेही त्यांनी सांगितले.