मुख्यमंत्री शिंदे आणि विधानसभा अध्यक्ष नार्वेकरांच्या गुप्त बैठकीची चर्चा, सुप्रिया सुळे म्हणाल्या, "असं असेल तर…"

मुख्यमंत्री शिंदे आणि विधानसभा अध्यक्ष नार्वेकरांमध्ये गुप्तबैठकीची चर्चा आहे. यावर राष्ट्रवादी काँग्रेसच्या शरद पवार गटातील खासदार सुप्रिया सुळे यांनी प्रतिक्रिया दिली.

Written by प्रविण शिंदे

October 19, 2023 10:56 IST

Supriya Sule Rahul Narwekar Eknath Shinde

मुख्यमंत्री एकनाथ शिंदे आणि विधानसभा अध्यक्ष राहुल नार्वेकरांच्या गुप्तबैठकीच्या चर्चेवर सुप्रिया सुळेंनी प्रतिक्रिया दिली. (छायाचित्र - लोकसत्ता ग्राफिक्स टीम)

विधानसभा अध्यक्ष राहुल नार्वेकर यांच्यासमोर मुख्यमंत्री एकनाथ शिंदे यांच्यासह सर्वच बंडखोर आमदारांच्या अपात्रतेच्या प्रकरणाची सुनावणी सुरू आहे. या सुनावणीत नार्वेकरांवर सातत्याने दिरंगाईचा आरोप होत आहे. सर्वोच्च न्यायालयानेही याबाबत ताशेरे ओढले आहेत. अशातच आता मुख्यमंत्री शिंदे आणि विधानसभा अध्यक्ष नार्वेकरांमध्ये गुप्तबैठकीची चर्चा आहे. यावर राष्ट्रवादी काँग्रेसच्या शरद पवार गटातील खासदार सुप्रिया सुळे यांनी प्रतिक्रिया दिली.

सुप्रिया सुळे म्हणाल्या, “जर मुख्यमंत्री एकनाथ शिंदे आणि विधानसभा अध्यक्ष राहुल नार्वेकर यांच्यात गुप्तभेट झाली असेल, तर ही अत्यंत चिंताजनक गोष्ट आहे. दोन दिवसांपूर्वीच सर्वोच्च न्यायालयाने तिखट शब्दात महाराष्ट्र सरकार आणि विधानसभा अध्यक्षांवर ताशेरे ओढले आहेत. असं असताना ही गुप्तबैठक झाली असेल, तर ते संविधानाच्या विरोधात आहे.”

आणखी वाचा

“पंतप्रधान मोदी म्हणजे ‘झुटों के सरदार’, त्यांनी हेच लाल संविधान…”; ‘त्या’ टीकेला मल्लिकार्जून खरगेंचं प्रत्युत्तर!

sneha chavan marathi actress got married for second time

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

Loksatta lokrang A review of the achievements of Maharani Baijabai Shinde

दखल: बायजाबाई यांच्या कर्तृत्वाचा आढावा

“चोवीस तास उपलब्ध राहणाऱ्या आमदाराचा विचार करा”, खासदार डॉ. श्रीकांत शिंदे यांचे आवाहन

Amit Shah made special mention of Devendra Fadnavis in speech in shirala

अमित शहांनी फोन काढला आणि थेट फडणवीसांना लावला… म्हणाले, “पुन्हा…”

कल्याण ग्रामीणमध्ये श्रीकांत शिंदे – राजू पाटील यांच्यातील संघर्ष टोकाला

maharashtra assembly election 2024 chief minister eknath shinde criticizes on manifesto of maha vikas aghadi

”महाविकास आघाडीचा जाहीरनामा ही पंचसूत्री नसून थापासुत्री”; मुख्यमंत्री एकनाथ शिंदे यांची टीका!

Eknath Shinde : एकनाथ शिंदेंच्या कामांना कोपरी पाचपाखाडी मतदारसंघात किती मार्क्स? काय म्हणत आहेत ठाणेकर?

“खासदारकी रद्द करताना २४ तासात निर्णय, मात्र परत करताना…”

खासदारांचं सदस्यत्व रद्द करण्याच्या मु्द्द्यावर बोलताना सुप्रिया सुळेंनी लोकसभेचे अध्यक्ष ओम बिर्ला यांनाही लक्ष्य केलं. त्या म्हणाल्या, “मी ओम बिर्ला यांच्या कार्यालयात फोन केला आहे. मी सातत्याने फैजल यांच्या खासदारकीचा पाठपुरावा करत आहे. कारण फैजल हे लोकप्रतिनिधी आहेत. दरवेळी एखादी घटना घडली की, तत्काळ २४ तासात खासदारकी रद्द करण्याचा निर्णय घेतला जातो. मात्र, खासदारकी परत देण्याची वेळ येते तेव्हा दरवेळी आम्हाला न्यायालयात जावं लागतं.”

हेही वाचा : “अध्यक्षांना आता आयसीयूत जाण्याची वेळ आली”; संजय राऊतांच्या टीकेवर राहुल नार्वेकर म्हणाले…

“लोकसभा अध्यक्ष कुणा एका पक्षाचे नसतात”

“राहुल गांधी यांची खासदारकी रद्द केली तेव्हाही तसंच झालं. फैजल यांचंही तसंच झालं. ओम बिर्ला आमचे कस्टोडियन आहेत. जेव्हा लोकसभा अध्यक्ष होतात तेव्हा ते कुणा एका पक्षाचे नसतात. ते लोकसभेचे अध्यक्ष आहेत. त्यामुळे माझी ओम बिर्ला यांना विनंती आहे की, त्यांनी लवकरात लवकर फैजल यांना त्यांच्या खासदारकीची जबाबदारी द्यावी,” अशी मागणी सुप्रिया सुळेंनी केली.

First published on: 19-10-2023 at 10:56 IST

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Supriya sule comment on speculations of cm eknath shinde rahul narwekar secret meeting pbs