सूर्या प्रकल्पातील दुर्घटना : व्हिजेटीआयमधील प्रा. अभय बांबोळे यांच्यामार्फत चौकशी करणार

वसई-विरार आणि मिरा-भाईंदर शहराला मुबलक पाणीपुरवठा करण्यासासाठी एमएमआरडीए एल अँड टी कंपनीच्या माध्यमातून दोन टप्प्यात सूर्या प्रकल्पाचे काम करीत आहे. यापैकी वसई-विरारचा पहिला टप्पा पूर्ण झाला आहे. तर सध्या दुसऱ्या टप्प्याचे काम सुरू आहे. त्यानुसार बुधवारी रात्री वसई खाडीजवळील सासूनवघर गावात वसई खाडी ओलांडण्यासाठी टनल बोअरिंग यंत्राच्या सहाय्याने भुयारीकरणाचे काम सुरू होते. या कामासाठी टनल बोअरिगं यंत्र जमिनीच्या भूभागात सुमारे ३२ मीटर खोलीवर पोहोचवण्यासाठी लाॅन्चिंग शाफ्टचे खोदकाम सुरू होते. ३२ मीटरपैकी २० मीटर काम पूर्ण झाले असताना रात्री ९ च्या सुमारास अचानक भूस्खलन झाले आणि पोक्लेन चालक या मातीच्या ढिगाऱ्याखाली अडकला. या घटनेनंतर महानगर आयुक्त डाॅ. संजय मुखर्जी यांच्या आदेशानुसार तातडीने एमएमआरडीएने मदतकार्य हाती घेतले. तसेच एनडीआरएफ आणि इतर यंत्रणांच्या मदतीने मदतकार्यास वेग देण्यात आला आहे. एनडीआरएफडीचे पथक पहाटे ५ वाजता घटनास्थळी दाखल झाले असून पोक्लेन चालकाला सुरक्षित बाहेर काढण्याचे प्रयत्न सुरू असल्याचे एमएमआरडीएकडून सांगण्यात आले.

आणखी वाचा

मोदी यांच्या सभेमुळे प्रवाशांचे हाल; टीएमटीच्या बसगाड्या सभेसाठी वळविल्या, सॅटील पुलावर प्रवाशांच्या रांगा

Bigg Boss Marathi 5: सर्व एलिमिनेटेड सदस्यांची घरात…

प्रकल्प कंत्राटदार आधीच ठरतो मग, कंत्राट काढले जाते; राष्ट्रवादी (शरद पवार गट) चे नेते जितेंद्र आव्हाड यांचा आरोप

नैना’प्रकल्पांचे उद्या भूमिपूजन, पंतप्रधानांच्या हस्ते भूमिपूजनानंतर शेतकऱ्यांचा रोष वाढण्याची शक्यता

बनावट औषध प्रकरण : चारही औषध कंपन्यांच्या मालकावर गुन्हे

नवी मुंबई : नैना क्षेत्रातील २५०० कोटी रुपयांच्या कामाचे पंतप्रधानांच्या हस्ते ऑनलाईन भूमिपूजन

वीज निर्मिती प्रकल्पावरून सरकार व पर्यावरणवाद्यांमध्ये जुंपणार, ‘हे’ आहे कारण

Sunita Williams Stuck in ISS : अंतराळात अडकलेल्या सुनिता विल्यम्स यांचा परतीचा मार्ग दृष्टीपथात; ‘हे’ दोन अंतराळवीर करणार मदत!

हेही वाचा – बाप रे… बिहारच्या विद्यार्थ्याची नागपुरात आत्महत्या, खोलीतून कुजलेला वास आल्याने…

हेही वाचा – धक्कादायक..! बँकांची १४,५९५ कोटींनी फसवणूक, सर्वसामान्यांनी ठेवलेली रक्कम…

या दुर्घनटेची गंभीर दखल घेत डाॅ. मुखर्जी यांनी दुर्घटनेची चौकशी करण्यासाठी प्रा. बांबोळे यांची नियुक्ती केली आहे. प्रा. बांबोळे यांनी घटनास्थळाला भेट दिली असून लवकरच त्यांचा अहवाल डाॅ. मुखर्जी यांच्याकडे सादर करण्यात येणार आहे. या अहवालाचा अभ्यास केल्यानंतर दोषींविरोधात कडक कारवाई केली जाईल, असे एमएमआरडीएकडून स्पष्ट करण्यात आले आहे. या कामादरम्यान आवश्यक त्या सर्व उपाययोजना केल्या जात असून आवश्यक ती काळजीही घेण्यात येत असल्याचा दावा एमएमआरडीएने केला आहे. भविष्यात अशा दुर्घटना घडू नये यासाठी उपाययोजना वाढविण्यात येणार असल्याचेही एमएमआरडीएकडून स्पष्ट करण्यात आले.