नाना पाटेकरांची नार्को चाचणी करा, तनुश्री दत्ताचा पोलिसांकडे अर्ज

दरम्यान हॉर्न ओके प्लीज या सिनेमाच्या सेटवर नेमके त्या दिवशी काय घडले त्याविषयी नवी माहिती समोर आली आहे. ज्या दिवशी या गाण्याचे शुटिंग सुरु होते त्यादिवशी नेमके काय घडले हे सेटवर असलेले स्पॉटबॉय रामदास बोर्डे यांनी सांगितले आहे. नाना पाटेकर यांनी तनुश्री दत्ताला दुपारी 12 च्या दरम्यान व्हॅनिटी व्हॅनमध्ये बोलावलं होतं असा खुलासा बोर्डे यांनी केला आहे.

Tanushree Dutta’s lawyer submitted an application at Mumbai’s Oshiwara police station to conduct Narco Analysis, Brain Mapping and Lie Detector Test of Nana Patekar, Ganesh Acharya, Samee Siddiqui and Rakesh Sarang in connection with sexual harassment case. (File pic) pic.twitter.com/VUdWQzaupe

— ANI (@ANI) October 13, 2018

एवढंच नाही तर नाना पाटेकरांनी जेव्हा तनुश्रीला व्हॅनिटी व्हॅनमध्ये बोलावलं त्यानंतर तिथून ती तावातावाने बाहेर पडली. डान्स मास्टर गणेश आचार्य यांच्याकडे गेली आणि तिने आपली तक्रार केली. मात्र गणेश आचार्य यांनी तनुश्री दत्ताची समजूत घालण्याचा प्रयत्न केला. मात्र ती इंग्रजीत भांडू लागली. ती जे काही बोलत होती त्यावरून इतकेच समजत होते की नाना पाटेकरांनी काहीतरी चुकीचे वर्तन केले आहे.

तिच्या बोलण्याचा सगळा रोख तसाच होता. मात्र सगळेजण तनुश्रीची समजूत घालत होते. नाना पाटेकर मोठा माणूस आहे तुझे करीअर बरबाद होईल असे तिला सांगितले जात होते. मात्र तनुश्रीने कोणाचेही ऐकले नाही. तनुश्री तिची बाजू ओरडून ओरडून सांगत होती. काही वेळातच ती तिथून निघून गेली. थोड्या वेळाने नाना पाटेकरही व्हॅनिटी व्हॅनमधून बाहेर आले. काही घडलेच नाही अशा अविर्भावात ते वावरू लागले. पण शुटिंग बघणाऱ्या स्पॉटबॉयना त्यांच्या रोजगाराची चिंता असल्यामुळे कोणीही काही बोलले नाही.