धारावी प्रकल्पाच्या अटी ‘मविआ’च्या काळातील, अदाणी समूहाचा खुलासा

उद्धव ठाकरेंच्या सभेनंतर अदाणी समूहाने पत्रक काढलं आहे. त्यात अदाणी समूहाने म्हटलं, “धारावी प्रकल्प निष्पक्ष, खुल्या आणि आंतरराष्ट्रीय बोलीद्वारे अदाणी समूहाला मिळाला आहे. धारावी प्रकल्पाच्या अटी महाविकास आघाडीच्या सरकारच्या काळातील आहेत. निविदा प्रक्रियेनंतर अटींमध्ये समूहाने कुठलाही बदल केला नाही. त्यामुळे समूहाला कुठलाही लाभ झाल्याचा दावा करणं चुकीचं आहे.”

आणखी वाचा

विश्लेषण: पत्राचाळ पुनर्विकास प्रकल्प अखेर मार्गी लागणार… विलंब का? लाभ कुणाला मिळणार?

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

म्युच्युअल फंडात मुंबईचाच सिंहाचा वाटा; १७.८३ लाख कोटींचे योगदान; मुंबईसह महाराष्ट्राच्या तुलनेत अन्य राज्यांत वाढती दरी

धारावीविषयी नवा दृष्टिकोन हवा!

“वसईच्या सनसिटी येथे धारावी प्रकल्पग्रस्तांचे पुनर्वसन करण्याचा प्रयत्न”, आमदार क्षितीज ठाकूर यांचा आरोप

एमआयडीसीलाही झोपड्यांच्या जागा, ‘क्लस्टर’साठी साडेबारा टक्के योजनेचा प्रस्ताव

मोघरपाडा कारशेडच्या जागेची प्रतीक्षा कायम; हस्तांतरणाबाबत शासन निर्णय प्रसिद्ध होऊन वर्ष उलटले तरी जागेचा ताबा नाही

वणी येथील जगन्नाथबाबा संस्थानची जमीन विनापरवानगी विक्री; महाविकास आघाडीच्या उमेदवारावर माजी आमदारांचा आरोप

हेही वाचा : “सरकार येतं आणि जातं, तुमचा रेकॉर्ड खराब करू नका”, धारावी मुद्द्यावरून ठाकरेंचं पोलिसांना आवाहन; म्हणाले, “गुंडागर्दी झाली तर…”

“धारावी प्रकल्पाबाबत चुकीची माहिती प्रसारित करण्याचा प्रयत्न केला जातोय. सर्व सदनिकाधारकांना धारावीत घरे देण्यात येतील. तसेच, पात्र सदनिकाधारांना मुंबईतील ‘एसआरए’पेक्षा १७ टक्के अधिक क्षेत्रफळ मिळेल,” असं अदाणी समूहाने सांगितलं.

हेही वाचा : ‘अदाणींनी मुंबईसाठी काय केले? ‘मोदाणी’ला धारावीचे लचके तोडू देणार नाही’, वर्षा गायकवाड यांची टीका

“निविदेतील अटी आणि कायद्यानुसारच ‘टीडीआर’चं पालन केलेले आहे. धारावीकरांच्या पुनर्वसनावर ‘टीडीआर’चा कुठलाही परिणाम होणार नाही. मुंबई महापालिका आणि सरकारने तयार केलेल्या संकेतस्थळाद्वारे ‘टीडीआर’चे व्यवस्थापन करून त्याचे परीक्षण केले जाईल,” असंही अदाणी समूहाने म्हटलं.

उद्धव ठाकरे काय म्हणाले?

“करोनाच्या काळात धारावीतील लोकांना पात्र-अपात्र ठरवलं नाही. मग, विकास करताना पात्र अपात्र ठरवणारे तुम्ही कोण? धारावीतील अपात्र नागरिकांना मिठागरात पाठवणार आहेत. अद्यापही मिठागराचा निर्णय झाला नाही. म्हणजे मिठागराची जागा सुद्धा ९९ वर्षांच्या करारावर अदाणींना देणार आहेत. आता ५० ते ५५ हजार लोक पात्र आहेत. तर, लाखांच्यावरती लोक अपात्र आहेत,” असं उद्धव ठाकरेंनी सांगितलं.

“आमचा विकासाला विरोध नाही”

“धारावीतील नागरिकांना मिठागरात पाठवून त्याचंही पुर्नविकास करण्याचासाठी अडाणींना देण्यात येईल. विकासाच्या नावाखाली सगळंच अदाणींच्या घशात घालण्याचं काम चालू आहे. धारावीकरांना ५०० फूटांचं घर मिळालं पाहिजे. आमचा विकासाला विरोध नाही. धारावीकरांना जिथल्या-तिथे घर मिळाले पाहिजेत. तसेच, रेल्वेलाईनमध्ये अदाणींनी त्याचं घर बांधावे. धारावीकरांचा घर बांधू नये,” असंही उद्धव ठाकरेंनी ठणकावलं आहे.

“फक्त पाऊस पाडणाऱ्या ढगांचा ‘टीडीआर’ देण्यात आला नाही”

“धारावीतील संडास, बाथरूम सगळ्यांचा ‘टीडीआर’ अदाणींना देऊन टाकला आहे. फक्त पाऊस पाडणाऱ्या ढगांचा ‘टीडीआर’ देण्यात आला नाही. कारण, बिनसवलतीच्या ढगांचा पाऊस एवढा पाडला आहे की, आणखी ढगांची गरज नाही,” असंही उद्धव ठाकरेंनी म्हटलं.