निवडणुकीत ठाकरे गटाच्या हाती नव्याने हिंदूत्वाचा मुद्दा

मुंबई : उद्धव ठाकरे यांनी काँग्रेस- राष्ट्रवादीबरोबर आघाडी केल्याने हिंदूत्व सोडल्याचा प्रचार भाजप एकीकडे करीत असताना निवडणूक आयोगाने प्रचार गीतातून हिंदू आणि भवानी शब्द काढून टाकण्याची दिलेल्या नोटिशीमुळे या पक्षाला मुद्दाच मिळाला आहे. आम्ही हिंदूत्व जपत आहोत आणि महाराष्ट्राच्या कुलदेवतेचा जागर करीत असताना निवडणूक आयोग आम्हाला रोखत आहे असा ठपका ते प्रचारात ठेवण्याची चिन्हे आहेत. यातून भाजपला लक्ष्य केले जाईल.

आणखी वाचा

Raj Thackeray: राज ठाकरेंनी सांगितली लोकसभेत भाजपाच्या पीछेहाटीची दोन कारणं; म्हणाले, “तेव्हा भाजपाचा एक उमेदवार…”!

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

Raj Thackeray : राज ठाकरेंची बोचरी टीका, “शरद पवार हे तालुक्याचे नेते, जाणते राजे वगैरे..”

Raj Thackeray : राज ठाकरेंची टीका, “उद्धव ठाकरेंनी बाळासाहेबांची शिवसेना काँग्रेस आणि राष्ट्रवादीच्या दावणीला..”

“उद्धव ठाकरेंच्या हातून पैसा सुटत नाही, बॅगेत काय असणार?” राज ठाकरेंची खोचक टीका!

Raj Thackeray : राज ठाकरेंची बोचरी टीका, “उद्धव ठाकरेंकडून बाण गेला आणि फक्त खान राहिले आहेत, कारण..”

पंतप्रधान मोदींच्या सभेपूर्वी शिवतीर्थावरील दीपोत्सवाचे कंदील काढल्याने राज ठाकरेंचा संताप; म्हणाले, “हिंदुत्त्ववादी विचारांचे…”

Raj Thackeray : राज ठाकरेंची उद्धव ठाकरेंवर जोरदार टीका, “बाळासाहेब ठाकरे म्हणाले होते माझ्या शिवसेनेची काँग्रेस होताना दिसली तर..”

हिंदूत्व आणि बाळासाहेबांचे विचार पुढे नेण्यासाठी उद्धव ठाकरे यांची साथ सोडल्याचा दावा करणाऱ्या शिवसेना शिंदे गटाला निवडणूक आयोगाच्या या नोटिशीमुळे ठाकरे गट उत्तर देणार आहे. राज्यात साडेचार वर्षांपूर्वी महाविकास आघाडीचा प्रयोग करण्यात आला.  त्यानंतर काँग्रेस आणि राष्ट्रवादीबरोबर आघाडी केल्याने शिवसेनेने हिंदूत्व सोडले असा प्रचार भाजपने सुरू केला.

हेही वाचा >>> गोमांस विकणाऱ्या कंपन्यांकडूनच भाजपाला देणग्या; राजस्थानमधील एकमेव डाव्या उमेदवाराचा आरोप

दोन वर्षांपूर्वी शिवसेनेत फूट पडली आणि एक मोठा गट एकनाथ शिंदे यांच्या नेतृत्वाखाली बाहेर पडला. त्यामुळे भाजपच्या प्रचाराला बळ मिळाले. हिंदूत्व आणि बाळासाहेबांचे विचार घेऊन हा गट बाहेर पडल्याचा दावा भाजपसह शिंदे गट करीत आहे. मात्र निवडणूक आयोगाच्या निर्णयाने भाजपचीही कोंडी झाली.

ठाकरे गटाने तयार केलेल्या प्रचार गीतात हिंदू आणि जय भवानी हे दोन शब्द वापरण्यास ठाकरे गटाला मज्जाव केला आहे. भवानी मातेचा अपमान सहन करणार नाही असाच प्रचार करण्याचे संकेत उद्धव ठाकरे यांनी दिले आहेत.  आम्ही हिंदूत्व सोडलेले नाही. त्याचा एका गीतामध्ये  समावेश सरकारला सहन होत नाही. त्यामुळे त्यांनी निवडणूक आयोगाच्या माध्यमातून नोटीस बजावली आहे पण हा शब्द प्रचार गीतामधून काढणे शक्य नाही. उलट तो सातत्याने बोलत राहू असा संदेश ठाकरे यांनी दिला आहे. पंतप्रधान नरेंद्र मोदी आणि गृहमंत्री अमित शहा यांनी बजरंग बली, रामलल्ला हे शब्द वापरलेले चालतात आणि आम्ही वापरलेला देवीचा भवानी शब्द चालत नाही असे ठसविण्याचा उद्धव यांचा  प्रयत्न राहील अशीच चिन्हे आहेत.