मुंबई: विधानपरिषदेचे विरोधी पक्षनेता अंबादास दानवे यांनी सभागृहात केलेल्या शिवीगाळ प्रकरणी त्यांचे पाच दिवसाकरिता निलंबन करण्यात आल्याने परिषदेच्या कामकाजावर ठाकरे गटाने अघोषित बहिष्कार टाकला होता. तालिका सभापती अमोल मिटकरी यांनी सकाळी लक्षवेधी पुकारुन कामकाजाला सुरुवात केली. त्यावेळी ठाकरे गटाचे, सदस्य अॅड. अनिल परब यांची लक्षवेधी असताना ते गैरहजर होते.
दुपारनंतर अॅड. परब यांनी दानवे यांचे निलंबन रद्द करण्यात यावे, यासाठी सभागृहात भारतीय बैठक मारली. लक्षवेधी झाल्यानंतर याबाबत निर्णय घेतला जाईल असे उपसभापती डॉ. नीलम गोऱ्हे यांनी जाहीर केल्यानंतर भारतीय बैठक मारणाऱ्या ठाकरे गटाच्या सदस्य पुन्हा बाहेर गेले. त्यामुळे दानवे यांच्या निलंबनावर ठाकरे गटाने अघोषित बहिष्कार टाकल्याचे चित्र होते. महाविकास आघाडीच्या काही सदस्यांनी त्यांना या बहिष्कारात साथ दिली. विधानपरिषद सदस्य प्रसाद लाड शिवीगाळ प्रकरणी दानवे यांचे मंगळवारी पाच दिवसाकरिता निलंबन झाले आहे.
आज सकाळी विधानपरिषदेचे कामकाज विशेष बैठकीने सुरू झाले. सभागृहात विरोधी पक्षनेता नसल्याने महाविकास आघाडीचे सदस्य सभागृहाबाहेर चर्चा करीत होते. याच काळात तीन लक्षवेधी पुकारण्यात आल्या. दुपारनंतर अॅड. परब यांनी विरोधी पक्षनेत्याचे निलंबन ही या सभागृहातील पहिलीच घटना आहे. हे निलंबन योग्य वाटत नाही. दानवे यांनी केलेल्या शिवीगाळ प्रकरणी पक्षप्रमुख उद्धव ठाकरे यांनी माता भगिनींची माफी मागितली आहे. तेव्हा त्यांचे निलंबन रद्द करण्यात यावे. सभापती निर्णय घेत नाहीत. तोपर्यंत सभागृहात ठिय्या मांडणार असल्याचे जाहीर करून परब आणि महाविकास आघाडीचे सदस्य खाली बसले. प्रश्नोत्तरे झाल्यानंतर याबाबत निर्णय घेण्याचे आश्वासन उपसभापती डॉ. गोऱ्हे यांनी दिल्यानंतर हे खाली बसलेले सदस्य पुन्हा बाहेर गेले.
दुपारनंतर अॅड. परब यांनी दानवे यांचे निलंबन रद्द करण्यात यावे, यासाठी सभागृहात भारतीय बैठक मारली. लक्षवेधी झाल्यानंतर याबाबत निर्णय घेतला जाईल असे उपसभापती डॉ. नीलम गोऱ्हे यांनी जाहीर केल्यानंतर भारतीय बैठक मारणाऱ्या ठाकरे गटाच्या सदस्य पुन्हा बाहेर गेले. त्यामुळे दानवे यांच्या निलंबनावर ठाकरे गटाने अघोषित बहिष्कार टाकल्याचे चित्र होते. महाविकास आघाडीच्या काही सदस्यांनी त्यांना या बहिष्कारात साथ दिली. विधानपरिषद सदस्य प्रसाद लाड शिवीगाळ प्रकरणी दानवे यांचे मंगळवारी पाच दिवसाकरिता निलंबन झाले आहे.
आज सकाळी विधानपरिषदेचे कामकाज विशेष बैठकीने सुरू झाले. सभागृहात विरोधी पक्षनेता नसल्याने महाविकास आघाडीचे सदस्य सभागृहाबाहेर चर्चा करीत होते. याच काळात तीन लक्षवेधी पुकारण्यात आल्या. दुपारनंतर अॅड. परब यांनी विरोधी पक्षनेत्याचे निलंबन ही या सभागृहातील पहिलीच घटना आहे. हे निलंबन योग्य वाटत नाही. दानवे यांनी केलेल्या शिवीगाळ प्रकरणी पक्षप्रमुख उद्धव ठाकरे यांनी माता भगिनींची माफी मागितली आहे. तेव्हा त्यांचे निलंबन रद्द करण्यात यावे. सभापती निर्णय घेत नाहीत. तोपर्यंत सभागृहात ठिय्या मांडणार असल्याचे जाहीर करून परब आणि महाविकास आघाडीचे सदस्य खाली बसले. प्रश्नोत्तरे झाल्यानंतर याबाबत निर्णय घेण्याचे आश्वासन उपसभापती डॉ. गोऱ्हे यांनी दिल्यानंतर हे खाली बसलेले सदस्य पुन्हा बाहेर गेले.
