संक्षिप्त : वांगणीत घराची भिंत कोसळून दोन ठार

मुसळधार पावसामुळे सोमवारी पहाटे वांगणी येथील नागपुरे कंपाऊंडमधील घराची िभत कोसळून झालेल्या अपघातात दोन महिलांचा मृत्यू झाला़  तसेच अन्य पाच जण गंभीर जखमी झाले आहेत़ या कंपाऊंडमध्ये चाळवजा घर असून तेथे शिर्डी येथील सहा जण भाडय़ाने राहात होते. पहाटे तीनच्या सुमारास या घराचा पाया खचून ही घटना घडली.
शांताबाई सोनावणे (६५) आणि म्हाळसा हातागळे (२८) अशी दुर्घटनेतील मृतांची नावे आहेत. तर युवराज सोनावणे (२९), रविना सोनावणे (२६), गणपत संजू सकट (९), संतोष संजू सकट (१९) आणि स्वाती हातागळे (२) अशी जखमींची नावे असून त्यांना उल्हासनगर मध्यवर्ती रुग्णालयात तसेच परिसरातील ग्रामीण रुग्णालयात दाखल करण्यात आले आहे.