‘गिरणी कामगारांच्या घरांच्या प्रश्नासाठी लवकरच संयुक्त बैठक’; सरकारचे आंदोलनकर्त्या कामगारांना आश्वासन

गिरणी कामगारांच्या घरांच्या प्रश्नाबाबत सरकार आणि म्हाडा गंभीर नसल्याचा आरोप करीत बुधवारी मोठ्या संख्येने कामगारांनी आझाद मैदानावर आंदोलन केले. दीड लाख गिरणी कामगारांच्या घरांचा प्रश्न मार्गी लावण्यासाठी ठोस धोरण जाहीर करावे आणि रखडलेल्या घरांच्या ताब्याचा प्रश्न त्वरित सोडवावा यासह विविध मागण्यांसाठी कामगारांनी आझाद मैदानावर आंदोलन केले. गृहनिर्माण विभागाच्या सचिव वत्सा नायर-सिंह यांनी कामगारांच्या शिष्टमंडळाची भेट घेतली. घरांच्या प्रश्नाबाबत लवकरच गृहनिर्माण, म्हाडा, गिरणी कामगार आणि इतर संबंधित विभागाची संयुक्त बैठक घेण्यात येईल, असे आश्वासन नायर यांनी कामगारांना दिले.

हेही वाचा- मुंबई महापालिकेकडून नायर रुग्णालयाच्या विस्ताराची जागा बिल्डरला; उच्च न्यायालयाकडून ताशेरे

आणखी वाचा

लोहगावात साडेपाच हजार पोलिसांच्या घराचे स्वप्न लवकरच साकार

Devendra Fadnavis Income : उपमुख्यमंत्र्यांची एकूण संपत्ती किती?…

अन्वयार्थ : हजार कोटी सापडले, त्याचे पुढे काय झाले?

महाविकास आघाडीतील गोंधळ मंत्री सुरेश खाडे यांच्या पथ्थ्यावरच

गरिबांचे पैसे गरिबांना ही काँग्रेसची हमी; तेलंगणा, हिमाचलचे मुख्यमंत्री तर कर्नाटकच्या उपमुख्यमंत्र्यांचे भाजपला प्रत्युत्तर

लाडकी बहीण योजनेवरून खासदार धनंजय महाडिक यांचे वादग्रस्त विधान; खासदार प्रणिती शिंदे, आमदार सतेज पाटील यांचे टीकास्त्र

“मरेपर्यंत पस्तावशील, हे लोक तुला…”, भाजपा आमदाराची भर सभेत अरेरावी; प्रश्न विचारणाऱ्यांना कार्यकर्त्यांनी हुसकावलं

योगींच्या ‘बटेंगे तो कटेंगे’नंतर पंतप्रधान मोदींकडून ‘एक हैं तो सेफ है’चा नारा

गिरणी कामगारांच्या घराचा प्रश्न सोडविण्यासाठी सर्व श्रमिक संघटनांनी बुधवारी सकाळी १० वाजता मोर्चाची हाक दिली होती. या मोर्चात मुंबईसह राज्यभरातील कामगार सहभागी झाले होते. कोन, पनवेल, बॉम्बे डाइंग आणि श्रीनिवास मिलमधील गिरणी कामगारांना लवकरात लवकर घरांचा ताबा द्यावा आणि सर्व कामगारांना मुंबईतच घर द्यावे अशी मागणी यावेळी करण्यात आली. गृहनिर्माण विभागाने या प्रश्नावर चर्चा करण्यासाठी संयुक्त बैठकीचे आयोजन करण्याचे आश्वासन दिले. दरम्यान,, या बैठकीत काही ठोस आश्वासन मिळाले नाही, तर आंदोलन आणखी तीव्र करण्यात येईल, असा इशारा यावेळी सर्व श्रमिक संघटनांच्या प्रतिनिधींनी दिला.