करोना हॉटस्पॉट ठरलेल्या अर्नाळ्यात वाजत गाजत विसर्जन मिरवणूक, पोलीसही हतबल!

करोना काळात गणपती विसर्जनाच्या मिरवणुकीवर बंदी असतानाही विरारमधील अर्नाळा गावात (गुरूवार), गावातील सार्वजनिक गणपतीची मोठ्या संख्येने वाजतगाजत मिरवणूक काढण्यात आली. या मिरवणुकीत शेकडो जण सहभागी झाले होते. विशेष म्हणजे यावेळी सोशल डिस्टिंगचा पुरता फज्जा होता. मास्क न परिधान न करताच अनेकजण या मिरवणुकीत सहभागी झाले होते. यावेळी पोलिसांनी या मिरवणुकीला रोखण्याचा प्रयत्न करत होते. परंतु जमावापुढे पोलीस काहीसे हतबल झाल्याचे दिसून आले आणि त्यांनी या ठिकाणांहून काढता पाय घेतला.

विशेष म्हणजे या अगोदर तीन वेळा अर्नाळा परिसर हा करोना हॉटस्पॉट म्हणून घोषित करण्यात आलेला आहे. तालुक्यातील सर्वाधिक ग्रामीण भागातील रुग्ण हे अर्नाळा परिसरातील आहेत. असे असतानाही गावकरी शासनाचे नियम धाब्यावर बसवत आहेत.