मुंबई : करोनाकाळातील भयाण वास्तवावर भाष्य करणाऱ्या ‘अनलॉक जिंदगी’ या चित्रपटाने प्रदर्शनापूर्वीच राष्ट्रीय - आंतरराष्ट्रीय चित्रपट महोत्सवांमध्ये आपली मोहोर उमटवली आहे. काही दिवसांपूर्वीच या चित्रपटाचा रोमांचकारी ट्रेलर प्रदर्शित झाला होता. ‘अनलॉक जिंदगी’ या चित्रपटाने आतापर्यंत शिकागो, टोरांटो, पिनॅकल, मेक्सिको, पॅरिस, न्यूयॉर्क, मिलान, लंडन आणि १३ व्या दादासाहेब फाळके फिल्म फेस्टिवल आदी राष्ट्रीय, आंतरराष्ट्रीय चित्रपट महोत्सवांमध्ये नामांकने मिळवली असून मिलान फिल्म अवॉर्ड्समध्ये 'बेस्ट नरेटिव्ह फिचर फिल्म' आणि पिनॅकल फिल्म अवॉर्ड्समध्ये 'बेस्ट फिचर फिल्म' या २ पुरस्काराने या चित्रपटाला सन्मानीत करण्यात आले आहे. https://www.youtube.com/watch?v=daNfR6KXINw&t=14s ‘अनलॉक जिंदगी’ ठरला नऊ राष्ट्रीय-आंतरराष्ट्रीय पुरस्कारांचा मानकरी 'अनलॉक जिंदगी' या चित्रपटाची कथा माणसाचे मतपरिवर्तन करणारी असून हा चित्रपट पाहताना प्रेक्षकांना अनेक गोष्टी त्यांच्या आयुष्याशी समरूप वाटतील, असे मत या चित्रपटाचे निर्माते, दिग्दर्शक राजेश गुप्ता यांनी व्यक्त केले. रियल रील्स प्रस्तुत या चित्रपटाचे निर्माते आणि दिग्दर्शक राजेश गुप्ता असून या चित्रपटात पितोबाश त्रिपाठी, राजेश गुप्ता, देविका दफ्तरदार, शिवानी सुर्वे, इंदिरा कृष्णा, हेमल देव यांनी प्रमुख भूमिका साकारल्या आहेत. या चित्रपटाचे लेखन आणि संवाद लेखनही राजेश गुप्ता यांनी केले असून १९ मे रोजी 'अनलॉक जिंदगी' महाराष्ट्रभरात प्रदर्शित होणार आहे.
