लालबाग येथील शाळेच्या पुनर्बांधणीला मुहूर्त मिळेना

लालबागमध्ये बेस्ट वसाहतीजवळ असलेल्या पालिका शाळेत सकाळी लागलेल्या आग दुर्घटनेत जिवित हानी झालेली नसली तरी या दुर्घनटनेमुळे शाळेच्या पुनर्बांधणीचा विषय चर्चेत आला आहे. शाळेची इमारत धोकादायक स्थितीत असल्यामुळे ती बंद करण्यात आली होती. या शाळेतील विद्यार्थ्यांना अन्य शाळेत स्थलांतरित करण्यात आले होते. करोना काळात या शाळेत करोना केंद्र सुरू केल्यामुळे त्याचे सामान एका खोलीत होते. मराठी मध्यमवर्गीय वस्तीतील शाळा एक दीड वर्षापासून बंद ठेवल्यामुळे विद्यार्थ्यांचे मोठे नुकसान होत असल्याचा आरोप स्थानिक नगरसेवक अनिल कोकीळ यांनी केला आहे. या शाळेच्या दुरुस्तीसाठी आधी पालिका प्रशासनाने नऊ कोटींचे काम दिले होते. दुरुस्तीही सुरू केली होती. मग नंतर अचानक शाळेची इमारत धोकादायक ठरवली असाही आरोप त्यांनी केला आहे. त्यामुळे आता तरी या शाळेची पुनर्बांधणी तातडीने करावी अशी मागणी त्यांनी केली आहे.

आणखी वाचा

‘बटेंगे तो कटेंगे’ असे वक्तव्य करणारे याेगी आदित्यनाथ यांचा आता ‘हा’ नारा

D. Y. Chandrachud : संजय राऊतांच्या टीकेवर माजी…

काँग्रेसच्या कर्नाटकातील योजना बंद पडण्याच्या मार्गावर; प्रल्हाद जोशी

‘या’ किल्ल्यावरील अंडाकृती खडकाखाली दडलंय काय?

लोकमानस : हस्तक्षेपास एवढा विलंब का झाला?

आरक्षणासाठी ५० टक्के मर्यादा तोडू! नांदेडमधील सभेत राहुल गांधींकडून मोदी लक्ष्य

धारावीविषयी नवा दृष्टिकोन हवा!

हेही वाचा – विशेष मुलांसाठी नायर रुग्णालयात उपलब्ध होणार टेलिमेडिसिन सुविधा; ग्रामीण, दुर्गम भागातील रुग्णांना होणार लाभ

प्रशासन सुशोभीकरण, रस्ते दुरुस्ती, रोषणाई यासाठी करोडो रुपये खर्च करण्यासाठी मुंबई महानगरपालिकेच्या ठेवी वापरत आहे. परंतु देशाचे भविष्य असलेल्या विद्यार्थ्यांसाठी शाळा बांधण्यासाठी त्यांच्याकडे पैसे नाहीत हे या मुंबईचे दुर्दैव आहे, असा आरोप कोकीळ यांनी केला आहे.

हेही वाचा – मुंबई : नागपाडा पोलीस रुग्णालयात पोलिसाची आत्महत्या

शाळेची दुरुस्ती कधीही सुरु केली नव्हती, मात्र पुनर्बांधणीसाठी निविदा प्रक्रिया सुरू करण्यात आली असल्याची माहिती शिक्षणाधिकारी राजेश कंकाळ यांनी दिली.