संजय गांधी राष्ट्रीय उद्यानाच्या क्षेत्रातील मुलुंड येथील झोपडपट्टीवासियांचे अन्यत्र पुनर्वसन करण्याचा विचार केला जाईल, असे आश्वासन मुख्यमंत्री पृथ्वीराज चव्हाण यांनी विधानपरिषदेत सांगितले. त्यांना ७ हजार रुपये भरण्यासाठी मुदत दिली जाईल, अशीही माहिती वन मंत्री डॉ.पतंगराव कदम यांनी दिली.
चरणसिंग सप्रा, संजय दत्त यांनी मुलुंड येथील राहुलनगर, शंकर टेकडी, गणेशपाडा आदी परिसरातील शेकडो झोपडपट्टीवासियांचे पुनर्वसन व अन्य बाबींसंदर्भात लक्षवेधी सूचना दिली होती. सिंधी व पंजाबी निर्वासितांचा समावेश त्यात असून त्यांच्या अडचणी सप्रा यांनी मांडल्या. त्या सोडविण्याचे आश्वासन कदम यांनी दिले. वन अधिकाऱ्यांचे बिल्डरांशी संगनमत असल्याचा आरोप विद्या चव्हाण यांनी केला.