मुंबई: इंडिया आघाडीच्या बैठकीला येणाऱ्या पक्षांच्या नेत्यांच्या सुरक्षेसाठी त्रिस्तरीय सुरक्षेला प्राधान्य देण्यात आले आहे. यासाठी २८० खोल्या आरक्षित करण्यात आल्या आहेत. बिहारचे मुख्यमंत्री नितीशकुमार, पश्चिम बंगालच्या ममता बॅनर्जी, तमिळनाडूचे एम. के. स्टॅलिन, झारखंडचे हेमंत सोरेन, दिल्लीचे अरिवद केजरीवाल, पंजाबचे भगवंत मान हे विद्यमान मुख्यमंत्री उपस्थित राहणार आहेत. याशिवाय काँग्रेसच्या सोनिया गांधी, लालुप्रसाद यादव, तेजस्वी यादव, खासदार राहुल गांधी, मल्लिकार्जुन खरगे, शरद पवार, उद्धव ठाकरे आदी महत्त्वाचे नेते या बैठकीला उपस्थित राहणार आहेत. नितीशकुमार, ममता बॅनर्जी, एम. के. स्टॅलिन यांची सुरक्षा यंत्रणा मुंबईत आली असून हयात हॉटेलमधील तपासणी केली आहे. राज्य सरकारने या सुरक्षेसाठी उपायुक्त दर्जाचा खास अधिकारी नेमला आहे. येणाऱ्या पाहुण्यांची सरबराई तसेच शिष्टाचार संभाळण्यासाठी प्रत्येक नेत्याबरोबर एक कार्यकर्ता दिला आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
