मुंबई : मानखुर्द-घाटकोपर लिंक रोडवरील छेडा नगर परिसरातून शुक्रवारी पहाटे जात असलेल्या कंटेनरला चालकाने अचानक ब्रेक लावल्याने मागून आलेली पोलीस मोटारगाडी त्यावर आदळली. या अपघातात दोन पोलीस जखमी झाले असून त्यांच्यावर राजावाडी रुग्णालयात उपचार सुरू आहेत.
हा अपघात शुक्रवारी पहाटे ५ च्या सुमारास मानखुर्द-घाटकोपर लिंक रोडवरील छेडा नगर परिसरात घडली. चेंबूरच्या टिळक नगर पोलीस ठाण्याचे काही कर्मचारी गस्त घालण्यासाठी छेडा नगर परिसरात जात होते.
हेही वाचा…दिंडोरीचा निकाल सर्वात उशीरा देवळाली, निफाड लवकर
यावेळी अचानक थांबलेल्या कंटेनर पोलिसांचीगाडी आदळली. या अपघातात टिळक नगर पोलीस ठाण्याचे पोलीस शिपाई जगदीश पाटील आणि साहिल खामकर जखमी झाले. त्यांच्यावर राजावाडी रुग्णालयात उपचार सुरू आहेत. याबाबत टिळक नगर पोलिसांनी कंटेनर चालक बिपीन सिंह (२२) याला ताब्यात घेतले असून याप्रकरणी पोलीस अधिक तपास करीत आहेत.
