मंगल हनवते
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
मुंबई : भविष्यात २०२७ नंतर मुंबईत येणाऱ्या वाहनांकडून मुंबई महानगर प्रदेश विकास प्राधिकरणाच्या (एमएमआरडीए) माध्यमातून टोलवसुली (पथकर वसुली) केली जाण्याची शक्यता आहे. मुंबईच्या प्रदेशद्वारावरील पाच टोलनाक्यांवरील (पथकर नाके) पथकर वसुलीचे सध्या महाराष्ट्र राज्य रस्ते विकास महामंडळाकडे (एमएसआरडीसी) असलेले अधिकार २०२७ मध्ये संपुष्टात येणार आहे. त्यानंतर हे अधिकार आपल्याला द्यावेत, अशी मागणी एमएमआरडीएकडून करण्यात आली आहे. या मागणीसंबंधीचा प्रस्ताव प्राधिकरणाच्या आगामी बैठकीत मंजुरीसाठी ठेवण्यात येणार आहे. त्यानंतर हा प्रस्ताव राज्य सरकारकडे मंजुरीसाठी पाठविण्यात येणार आहे.
एमएमआरडीए मुंबईतील वाहतूक व्यवस्था मजबूत करण्यासाठी मेट्रो, सागरी सेतू, भूमिगत मार्ग, उन्नत मार्ग, उड्डाणपूल असे अनेक प्रकल्प राबवीत आहे. सध्या एक लाख १९ हजार ७६४ कोटी रुपये खर्चाचे प्रकल्प राबविण्यात येत आहेत. प्रकल्पांसाठी लागणारा निधी कर्ज रूपाने उभा केला जात आहे. तसेच बीकेसीतील भूखंड विक्री हा एकमेव उत्पन्नाचा स्रोत असून तो पुरेसा नाही. सध्या एमएमआरडीएची आर्थिक स्थिती बिकट झाली आहे. या पार्श्वभूमीवर एमएमआरडीएने मुंबईत येणाऱ्या वाहनांकडून पथकर वसूल करण्याचे अधिकार आपल्याला द्यावेत, अशी मागणी केली. यासंबंधीचा प्रस्ताव प्राधिकरणाच्या बैठकीत मंजुरीसाठी ठेवणार आहे. हा प्रस्ताव मंजूर झाल्यास पथकर वसुलीचा अधिकार मिळण्याबाबतचा प्रस्ताव सरकारकडे पाठविण्यात येणार आहे.
एमएसआरडीसीने १९९५-९८ दरम्यान मुंबईतील वाहतूक व्यवस्था सुधारावी यासाठी ५५ उड्डाणपूल बांधले. या उड्डाणपुलाच्या उभारणीसाठी आलेला खर्च वसूल करण्यासाठी एमएसआरडीसीने मुंबईत प्रवेश करणाऱ्या वाहनांकडून पथकर वसूल करण्याचे अधिकार मिळविले. ३० सप्टेंबर २०२७ पर्यंत पथकर वसुलीचे अधिकार एमएसआरडीसीकडे असून त्यानंतर पथकर वसुली बंद होणार आहे. त्यामुळे २०२७ नंतर पथकर वसुलीचे अधिकार एमएमआरडीएला हवे आहेत. उत्पन्नाचा नवीन स्रोत निर्माण करणे हा या मागचा उद्देश आहे.
एमएमआरडीए २००५ पासून मुंबईत वाहतूक व्यवस्था मजबूत करण्यासाठी अनेक प्रकल्प राबवीत आहे. मागील काही वर्षांत एमएसआरडीसीने मुंबईत वाहतुकीबाबतचे मोठे प्रकल्प राबविलेले नाहीत, असे एमएमआरडीएचे म्हणणे आहे. याविषयी महानगर आयुक्त एस. व्ही. आर. श्रीनिवास यांना विचारले असता त्यांनी कोणतीही प्रतिक्रिया दिली नाही.
नागरिकांची पथकरातून सुटका नाहीच
दहिसर, मुलुंड, एलबीएस मार्ग, ऐरोली आणि वाशी असे पाच पथकर नाके असून या नाक्यांवरील पथकर वसुलीचा कालावधी २०२७ मध्ये संपुष्टात येणार आहे. त्यामुळे मुंबईत येणाऱ्या वाहनांची पथकरातून लवकरच सुटका होणार असे वाटत असतानाच आता २०२७ नंतर एमएमआरडीएकडून पथकर वसुली केली जाण्याची शक्यता आहे. त्यामुळे मुंबईत येणाऱ्यांची पथकरातून पुढील काही वर्षे सुटका होण्याची शक्यता नाही.
मुंबई : भविष्यात २०२७ नंतर मुंबईत येणाऱ्या वाहनांकडून मुंबई महानगर प्रदेश विकास प्राधिकरणाच्या (एमएमआरडीए) माध्यमातून टोलवसुली (पथकर वसुली) केली जाण्याची शक्यता आहे. मुंबईच्या प्रदेशद्वारावरील पाच टोलनाक्यांवरील (पथकर नाके) पथकर वसुलीचे सध्या महाराष्ट्र राज्य रस्ते विकास महामंडळाकडे (एमएसआरडीसी) असलेले अधिकार २०२७ मध्ये संपुष्टात येणार आहे. त्यानंतर हे अधिकार आपल्याला द्यावेत, अशी मागणी एमएमआरडीएकडून करण्यात आली आहे. या मागणीसंबंधीचा प्रस्ताव प्राधिकरणाच्या आगामी बैठकीत मंजुरीसाठी ठेवण्यात येणार आहे. त्यानंतर हा प्रस्ताव राज्य सरकारकडे मंजुरीसाठी पाठविण्यात येणार आहे.
एमएमआरडीए मुंबईतील वाहतूक व्यवस्था मजबूत करण्यासाठी मेट्रो, सागरी सेतू, भूमिगत मार्ग, उन्नत मार्ग, उड्डाणपूल असे अनेक प्रकल्प राबवीत आहे. सध्या एक लाख १९ हजार ७६४ कोटी रुपये खर्चाचे प्रकल्प राबविण्यात येत आहेत. प्रकल्पांसाठी लागणारा निधी कर्ज रूपाने उभा केला जात आहे. तसेच बीकेसीतील भूखंड विक्री हा एकमेव उत्पन्नाचा स्रोत असून तो पुरेसा नाही. सध्या एमएमआरडीएची आर्थिक स्थिती बिकट झाली आहे. या पार्श्वभूमीवर एमएमआरडीएने मुंबईत येणाऱ्या वाहनांकडून पथकर वसूल करण्याचे अधिकार आपल्याला द्यावेत, अशी मागणी केली. यासंबंधीचा प्रस्ताव प्राधिकरणाच्या बैठकीत मंजुरीसाठी ठेवणार आहे. हा प्रस्ताव मंजूर झाल्यास पथकर वसुलीचा अधिकार मिळण्याबाबतचा प्रस्ताव सरकारकडे पाठविण्यात येणार आहे.
एमएसआरडीसीने १९९५-९८ दरम्यान मुंबईतील वाहतूक व्यवस्था सुधारावी यासाठी ५५ उड्डाणपूल बांधले. या उड्डाणपुलाच्या उभारणीसाठी आलेला खर्च वसूल करण्यासाठी एमएसआरडीसीने मुंबईत प्रवेश करणाऱ्या वाहनांकडून पथकर वसूल करण्याचे अधिकार मिळविले. ३० सप्टेंबर २०२७ पर्यंत पथकर वसुलीचे अधिकार एमएसआरडीसीकडे असून त्यानंतर पथकर वसुली बंद होणार आहे. त्यामुळे २०२७ नंतर पथकर वसुलीचे अधिकार एमएमआरडीएला हवे आहेत. उत्पन्नाचा नवीन स्रोत निर्माण करणे हा या मागचा उद्देश आहे.
एमएमआरडीए २००५ पासून मुंबईत वाहतूक व्यवस्था मजबूत करण्यासाठी अनेक प्रकल्प राबवीत आहे. मागील काही वर्षांत एमएसआरडीसीने मुंबईत वाहतुकीबाबतचे मोठे प्रकल्प राबविलेले नाहीत, असे एमएमआरडीएचे म्हणणे आहे. याविषयी महानगर आयुक्त एस. व्ही. आर. श्रीनिवास यांना विचारले असता त्यांनी कोणतीही प्रतिक्रिया दिली नाही.
नागरिकांची पथकरातून सुटका नाहीच
दहिसर, मुलुंड, एलबीएस मार्ग, ऐरोली आणि वाशी असे पाच पथकर नाके असून या नाक्यांवरील पथकर वसुलीचा कालावधी २०२७ मध्ये संपुष्टात येणार आहे. त्यामुळे मुंबईत येणाऱ्या वाहनांची पथकरातून लवकरच सुटका होणार असे वाटत असतानाच आता २०२७ नंतर एमएमआरडीएकडून पथकर वसुली केली जाण्याची शक्यता आहे. त्यामुळे मुंबईत येणाऱ्यांची पथकरातून पुढील काही वर्षे सुटका होण्याची शक्यता नाही.
