मुंबई : राणीच्या बागेतील बछड्यांचे पर्यटकांना दर्शन घडणार

छत्रपती संभाजीनगर येथील सिद्दार्थ प्राणिसंग्रहालयातून १२ फेब्रुवारी २०२० रोजी शक्ती वाघ आणि करिश्मा वाघीण या जोडीला वीरमाता जिजाबाई भोसले प्राणिसंग्रहालयात आणण्यात आले होते. करिश्मा वाघीणिने ४ नोव्हेंबर २०२२ रोजी दोन नर बछड्यांना जन्म दिला होता. या दोन्ही बछड्यांचे वय ६ महिने ७ दिवस इतके आहे. पुढील दीड ते दोन वर्षे या बछड्यांना करिश्मासोबतच ठेवण्यात येणार आहे. प्राणिसंग्रहालयातील वैद्यकीय पथक जय आणि रूद्रची काळजी घेत असून वेळोवेळी त्यांचे लसीकरण आणि इतर महत्त्वाच्या तपासण्या करण्यात येत आहेत.

आणखी वाचा

चिखलीत पिसाळलेल्या कुत्र्याचा हैदोस; ३० जणांना चावा

Chastity Belt: योनी शुचिता पट्ट्याचा इतिहास आणि त्यामागील…

खारघरमध्ये सोनेरी कोल्हा आणि भटक्या कुत्र्यांचा एकत्र वावर

गडचिरोली : अबुझमाडमध्ये जवान व नक्षल्यांमध्ये जोरदार चकमक;  सात नक्षल्यांना कंठस्नान

भंडारा : वाघाला चक्क गावकऱ्यांनीच घेरले अन…

नवेगाव नागझिरा व्याघ्र प्रकल्पात वाघिणीच्या छाव्यांचा खेळ

महाराष्ट्रातून ओडिशात सोडलेली वाघीण झारखंडमध्ये

सतीश वाघ हत्या प्रकरण : आरोपींच्या शोधासाठी पुणे पोलिसांची १६ पथके रवाना

हेही वाचा >>> राज्यभरात ४१ लाख घरांच्या ताब्याची प्रतीक्षा – अजोय मेहता; विकासकांना दिला ‘हा’ इशारा

दरम्यान, प्राणिसंग्रहालयातील पेंग्विन कक्षातील पेंग्विनच्या तीन जोडप्यांनी प्रत्येकी एक अशा तीन पिलांना जन्म दिला आहे. पेंग्विन कक्षात सध्या नर आणि मादी अशा चार जोड्या आहेत. त्यातील डोनाल्ड आणि डेझी या जोडीने २१ फेब्रुवारी २०२३ रोजी डोरा (मादी), मोल्ट आणि फ्लिपर या जोडीने २ ऑक्टोबर २०२२ रोजी सिरी (मादी) आणि पपाय आणि ऑलिव्ह या जोडीने १३ डिसेंबर २०२२ रोजी निमो (नर) या तीन पिलांना जन्म दिला. सध्या डोरा, निमो आणि सिरी यांना प्रणिसंग्रहालयातील डॉ. मधुमीता काळे यांच्या देखरेखीखाली ठेवण्यात आले आहे.

पर्यटकांना आवाहन

सध्या प्राणीसंग्रहालयात मोठ्या प्रमाणात गर्दी होत असून संग्रहालयातील प्राणी पिंजऱ्यात वावरताना दचकतात. तसेच काही पर्यटक प्राण्यांचे लक्ष वेधून घेण्यासाठी काचेवर हात मारतात. यामुळे प्राण्यांच्या राहणीमानात व्यत्यय येतो. पर्यटकांनी उत्साहामध्ये अशा प्रकारचे कोणतेही वर्तन करू नये, असे आवाहन प्राणिसंग्रहालय प्रशासनाकडून करण्यात आले आहे.