तीन दिवस मुंबई – गोवा महामार्गावरील वाहतूक चार तास बंद राहणार

या मार्गावर धावणाऱ्या वाहनांसाठी पर्यायी मार्ग देण्यात आले असून त्याचा वापर करण्याचे आवाहन राज्य पोलीस विभागाने केले आहे. मुंबई-गोवा राष्ट्रीय महामार्गावर मुंबई व गोवा वाहिनीवर कल्याण टोल इन्फा. कंपनीतर्फे पुई येथील म्हैसदरा नवीन पुलाच्या गर्डर बसविण्याचे काम ११ जुलै ते १३ जुले रोजी सकाळी ६ वा. ते सकाळी ८ वाजेपर्यंत व दुपारी २ वा. ते दुपारी ४ वाजेपर्यंत करण्यात येणार आहे. त्यामुळे नियोजित कामाच्या वेळी मुंबई – गोवा राष्ट्रीय मार्गावर मुंबई व गोवा वाहिनीवर सर्व प्रकारची वाहने (हलकी व जड – अवजड वाहने) यांची वाहतूक बंद करण्यात येणार आहे.

हेही वाचा – कॉफीतून गुंगीचे औषध देऊन सहप्रवाशाला लुटले, आरोपीला उत्तर प्रदेशातून अटक

पर्यायी मार्ग

मुंबई – गोवा राष्ट्रीय महामार्गावरून मुंबई ते गोवा वाहिनीवर (मुंबईहून गोळाकडे) जाणारी हलकी वाहने व बसेस या वाकण फाटा येथून भिसे खिंड-रोहा – कालाडवरून वळवून मुंबई – गोवा राष्ट्रीय महामार्ग क्र. ६६ या मार्गावरून मार्गस्थ करता येतील.

हेही वाचा – माजी आमदाराच्या तक्रारीवरून विशेष सरकारी अभियोक्त्याविरोधात गुन्हा, १० कोटी रुपयांची खंडणी मागितल्याचा आरोप

मुंबई-गोवा राष्ट्रीय महामार्ग क्र. ६६ वरून मुंबई से गोवा वाहिनीवर (मुंबईहुन गोव्याकडे) जाणारी हलकी वाहने व बसेस या वाकण फाटा येथून पाली-रवाळजे कोलाड किंवा पाली – रवाळजे – निजामपूर – माणगाववरून वळवून मुंबई-गोवा राष्ट्रीय महामार्ग क्र. ६६ या मार्गावरून मार्गस्थ करता येतील. खोपोली – पाली – वाकण राष्ट्रीय महामार्ग क्र.५४८ ए मर्गावरून मुंबई ते गोवा वाहिनीवर (मुंबईहून गोव्यावाडे) जाणारी हलकी वाहने व बसेस या पाली – रवाळजे – कोलाड किंवा पाली – रवाळजे – निजामपूर – माणगाववरून वळवून मुंबई – गोवा राष्ट्रीय महामार्ग क्र. ६६ या मार्गावरून मार्गस्थ करता येतील.