मुंबई : महाराष्ट्र राज्य रस्ते वाहतूक महामंडळाच्या (एमएसआरटीसी) अखत्यारीत ३३६० एकर भूखंड असून हा संपूर्ण भूखंड विकसित करण्यात येणार आहे. यासाठी विकासकांनी पुढे यावे. या मशिवाय ग्रामीण, तालुका आणि जिल्हा पातळीवरील प्रत्येक आगार जलदगतीने विकसित करण्यात येणार आहे. या संपूर्ण विकासासाठी येत्या काही दिवसांत १५० ते १६० निविदा काढण्यात येणार आहेत, असे राज्याचे परिवहन मंत्री प्रताप सरनाईक यांनी ‘नॅशनल रिअल इस्टेट डेव्हलपमेंट कौन्सिल (नरेडको) नेक्स्ट-जनरेशन कॉन्क्लेव्ह’मध्ये सांगितले.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

महामंडळाची आगारे विकसित करण्यासाठी शासनाने प्रसिद्ध वास्तुरचनाकार हाफिज कॉन्ट्रॅक्टर यांची नियुक्ती केली आहे. कॉन्ट्रक्टर यांच्याकडून याबाबत सादरीकरण केले जाणार आहे. भूखंड विकसित करण्यासाठी महामंडळाला नियोजन प्राधिकरणाचे अधिकार दिले जाणार आहे. त्यामुळे सर्व परवानग्या एकाच छताखाली उपलब्ध होणार असल्याचेही सरनाईक यांनी सांगितले. याशिवाय विकासकांनी फक्त शहरापुरते मर्यादित न राहत ग्रामीण भागाकडेही लक्ष पुरविले पाहिजे. लोणावळा, खंडाळा, महाबळेश्वर यासारख्या परिसरात नवीन विकास नियंत्रण नियमावली लागू होत नसून हा सर्व परिसर ना विकसित क्षेत्रात येत आहे. तरी या बाजूचा बराचसा परिसर नव्या विकास नियंत्रण नियमावलीत येत आहे. त्यामुळे नव्या विकासासाठी पुरेस चटईक्षेत्रफळ उपलब्ध होणार आहे. या सर्व भूखंडांचा भाडेपट्टा ६० वर्षांवरून ९९ वर्षे इतका करण्याचे प्रस्तावित असल्याचेही सरनाईक यांनी सांगितले.

आणखी वाचा

महाराष्ट्र स्थावर संपदा प्राधिकरणाची (महारेरा) स्थापना झाल्यानंतर विकासकांबद्दल असलेले गैरसमज मोठ्या प्रमाणात दूर झाल्याचा दावा नरेडकोचे अध्यक्ष डॉ. निरंजन हिरानंदानी यांनी सांगितले. काही मुठभर व्यक्तींमुळे सर्व विकासक बदनाम झाले होते. घरांचा ताबा विकासक जाणीवपूर्वक वेळेवर देत नाही, असा विकासकांबद्दल मोठा गैरसमज आहे. परंतु त्यामागे अनेक विध कारणे असतात. मात्र महारेराच्या स्थापनेनंतर पारदर्शकता आणि जबाबदारीची जाणीव निर्माण झाल्याने घरखरेदीदारांमध्येही विश्वास निर्माण झाला, असा दावाही डॉ. हिरानंदानी यांनी केला.

इमारतविषयक परवानग्या देणारी सर्व नियोजन प्राधिकरणे महारेराच्या अखत्यारित यायला हवीत, अशी मागणी नरेडकोचे उपाध्यक्ष राजन बांदेलकर यांनी केली. विकासकांनीही आपली क्षमता पाहूनच प्रकल्प हाती घ्यावेत आणि ते पूर्ण करावेत, अशी अपेक्षा त्यांनी व्यक्त केली. कृत्रिम बुद्घिमत्तेचा सावधपणे वापर करून बांधकामात वैविध्यता आणताना अधिकाधिक परवडणारी घरे निर्माण करण्यावर भर द्यावा, असे आवाहनही त्यांनी केले. मुंबईत पहिल्यांदा ट्रम्प टॉवर उभारणाऱ्या ट्रीबेका डेव्हलपर्सचे कल्पेश मेहता यांनी आता ट्रम्प टॉवर मुंबई महानगर परिसरातही येणार असल्याचे यावेळी सांगितले. सध्या स्टुडिओ अपार्टमेंटला जोरदार मागणी असून भविष्यात ही मागणी आणखी वाढेल, असा दावाही मेहता यांनी केला.