मॉर्फ चित्रफीतीप्रकरणी दहिसर पोलिसांकडून दोघांना अटक, शिंदे गटाच्या प्रवक्त्या शीतल म्हात्रे यांची तक्रार

अशोक मिश्रा व मानस कुवर अशी अटक आरोपींची नावे आहेत. दहिसर पोलीस ठाण्यात विनयभंग व माहिती तंत्रज्ञान प्रतिबंधक कायदयांतर्गत हा गुन्हा दाखल करण्यात आला आहे. श्रीकृष्णनगर परिसरात शनिवारी रात्री विकासकामांच्या उद्घाटनाचा कार्यक्रम आयोजित करण्यात आलेला होता. त्यावेळी श्रीकृष्णनगर येथून अशोकवन जंक्शन, दहिसर पूर्व, मुंबईपर्यंत रॅलीचे आयोजन करण्यात आले होते. अशोकवन येथे मुख्यमंत्री एकनाथ शिंदे यांच्या सभेचे आयोजन करण्यात आले होते. याचे आयोजन मागाठाणे मतदारसंघाचे आमदार प्रकाश सुर्वे यांच्याकडून करण्यात आले.  त्या कार्यक्रमातील रॅलीतील ती चित्रफीत मॉर्फ करुन व्हायरल करण्यात आल्याने शीतल म्हात्रे यांनी पोलीस ठाण्यात तक्रार दिली होती.

आणखी वाचा

कल्याणमधील बालिकेचा मारेकरी विशाल गवळी डोंबिवलीतील पोलीस कोठडीत

वाल्मिक कराड ज्या गाडीतून शरण आला त्या गाडीच्या…

नागपूर : सीआयडी अधिकाऱ्यांची आरोपींना मदत; रितिका मालू ‘हिट अँड रन प्रकरण’

पोलीस अधिकाऱ्याला लाच देणारा एसीबीच्या जाळ्यात

पुणे: वाहतूक पोलिसांच्या कारवाईत खून प्रकरणातील आरोपीचा शोध

Video : शेगावात वैद्यकीय तपासणीनंतर विशाल गवळीची कल्याणकडे रवानगी, मध्यरात्री…

मुंबई : वाहतुकीला अडथळा निर्माण करणाऱ्या तरुणाचा पोलिसावर हल्ला, हत्येच्या प्रयत्नाचा गुन्हा दाखल

पोक्सोअंतर्गत अटकेत असलेल्या आरोपीला उच्च न्यायालयाकडून जामीन

हेही वाचा >>> मुंबईः ट्रामाडॉलच्या तस्करीप्रकरणी सीमाशुल्क विभागाकडून एकाला अटक

या चित्रफीतीबाबत शीतल म्हात्रे यांनी ट्वीट करत भूमिका स्पष्ट केली. “राजकारणामधील महिलेसंदर्भात बोलण्यासारखे काही नसले तर तिचे चारित्र्यहनन करणे हेच उद्ध्वस्त गटाचे संस्कार आहेत? मातोश्री नावाच्या फेसबूक पेजवरुन एका स्त्री संदर्भात असा मॉर्फ व्हिडीओ अपलोड करताना बाळासाहेबांचे संस्कार नाही का आठवले?”  हे व्हिडीओ व्हायरल करणारे कोण आहेत हे सर्वांना माहिती आहे. विरोधक एवढ्या खालच्या पातळीवर जाऊ शकतात. शिवाजी महाराजांच्या महाराष्ट्रात एखाद्या स्त्रिला अशा पद्धतीने बदनाम करू शकतात. भावा-बहिणीचे नाते असलेल्या एखाद्या स्त्री-पुरुषाला समाज विकृत नजरेने बघतो आहे. यामागे कुणाचे डोके आहे आणि कोण करते आहे याची आम्हाला पूर्ण कल्पना आहे,” असे मत शीतल म्हात्रे यांनी व्यक्त केले.