मुंबई: दुचाकीच्या अपघातात मित्रांचा जागीच मृत्यू

रस्त्याच्या मध्यभागी असलेल्या दुभाजकावर धडकून झालेल्या दुचाकीच्या अपघातात दोन मित्रांचा जागीच मृत्यू झाल्याची घटना चेंबूरच्या सांताक्रुझ – चेंबूर लिंक रोडवर घडली. टिळकनगर पोलिसांनी याप्रकरणी गुन्हा दाखल करून तपास सुरू केला आहे. चेंबूर परिसरात राहणारे गणेश आरडे (४०) आणि रुपेश पेडणेकर (४०) हे दोघे मित्र काही कामानिमित्त दुचाकीवरून गुरुवारी कुर्ला पश्चिम परिसरात गेले होते.