मुंबई – पुणे द्रुतगती महामार्गावर दोन तासांचा वाहतूक ब्लॉक

मुंबई : मुंबई-पुणे द्रुतगती महामार्गावर गुरुवारी (२ नोव्हेंबर) दोन तासांचा वाहतूक ब्लॉक घेण्यात येणार असल्याची माहिती महाराष्ट्र राज्य रस्ते विकास महामंडळाने (एमएसआरडीसी) दिली आहे.

आणखी वाचा

पंतप्रधानांच्या दौऱ्यानिमित्त शहरात वाहतूक बदल; स. प. महाविद्यालय परिसरातील रस्ते वाहतुकीस बंद

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

नाशिक परिक्षेत्रात २५ दिवसांत ५० कोटींचा मुद्देमाल जप्त, १७ हजार गुन्हेगारांविरुध्द कारवाई

जनजागृतीवर ५९ कोटींचा खर्च, तरीही सर्वसामान्यांच्या २,८८० कोटींवर डल्ला…बँकेत तुमचे पैसे…

लोकजागर : सामान्य पुणेकरांना ‘व्हीआयपी’ रस्ते मिळतील का?

मुंबई अहमदाबाद राष्ट्रीय महामार्गावर नियोजनाअभावी वाहतूक कोंडी, तासंतास अडकून पडल्याने प्रवाशांचे हाल

एपीएमसी परिसर वाहतूक कोंडीमुक्त; वाहतूक पोलिसांच्या उपाययोजनांमुळे नागरिकांना दिलासा

पाम बीच मार्गावरील अपघातात एक ठार, दोन गंभीर जखमी

मुंबईच्या दिशेने जाणाऱ्या मार्गिकांवर सोमाटणे येथे हायवे ट्राफिक मॅनेजमेंट सिस्टीमअंतर्गत गँट्री उभारण्याचे काम एमएसआरडीसीकडून केले जाणार आहे. या कामासाठी गुरुवारी दुपारी १२ ते २ या वेळेत वाहतूक ब्लॉक घेतला जाणार आहे. त्यामुळे या वेळेत मुंबईकडून पुण्याच्या दिशेने जाणारी वाहतूक पूर्णतः बंद राहील.

आणखी वाचा-मुंबई : जेट एअरवेज प्रकरणात ईडीकडून ५३८ कोटीच्या मालमत्तेवर टाच

तसेच या कालावधीत मुंबईकडून पुण्याकडे जाणारी वाहतूक पुणे मार्गिकेवरील कुसगाव मार्गे राष्ट्रीय महामार्ग क्रमांक ४८ वरून पुण्याकडे वळविण्यात येणार आहे. तसेच हलकी वाहने उर्से टोलनाक्यावरून चाकण लेनने उर्से खिंड वडगाव फाटा मार्गे राष्ट्रीय महामार्ग क्रमांक ४८ वरून पुण्याच्या दिशेने वळविण्यात आली आहे. गँट्री बसविण्याचे काम पूर्ण झाल्यानंतर अर्थात दुपारी २ नंतर मुंबईकडून पुण्याकडे जाणारी वाहतूक पूर्ववत होणार आहे.