मुंबईत इमारतीचा स्लॅब कोसळला; वयोवृद्ध दाम्पत्याचा दुर्दैवी मृत्यू

दुर्घटनेची माहिती मिळताच मुंबई महानगरपालिकेचे आपत्कालीन पथक तसेच अग्निशमन दलाच्या गाड्या घटनास्थळी दाखल झाल्या. जखमी दाम्पत्याला जवळच असलेल्या खासगी रुग्णालयात दाखल करण्यात आलं. परंतु त्याठिकाणी त्यांना मृत घोषित करण्यात आलं. विशेष म्हणजे ही इमारत पालिका प्रशासनाकडून धोकादायक म्हणून घोषित केली होती. तरीदेखील काही कुटुंबं या इमारतीमध्ये वास्तव्यास होते. या दुर्घटनेनंतर सर्वांना इमारतीतून इतर ठिकाणी हलवण्यात आलं आहे.