शीव येथे दोन जलवाहिन्या फुटल्या, वडाळा व आसपासच्या भागातील पाणीपुरवठा खंडित

मुंबई : शीव येथील सीजीएस वसाहतीनजीक मंगळवारी सकाळी ३०० मिमी तसेच ६०० मिमी व्यासाच्या दोन जलवाहिन्या फुटल्या. पालिकेच्या जल अभियंता विभागाने जलवाहिन्यांच्या दुरुस्तीचे काम हाती घेतले असून दुरुस्तीच्या कामासाठी शीव कोळीवाडा, वडाळा तसेच आसपासच्या भागातील पाणीपुरवठा खंडित करण्यात आला आहे.

आणखी वाचा

अकोला: ऐन हिवाळ्यात पावसाचा तडाखा; वातावरणातील बदलाने…

औरंगजेबावरही मात करणाऱ्या ‘या’ हिंदू संन्याशांचा इतिहास दुर्लक्षित…

वासोटा किल्ला प्रवेशावर तीन दिवस बंदी; वनविभागाचा निर्णय

बारवीच्या जांभूळ जलशुद्धीकरण केंद्रात दुरूस्ती; उल्हासनगरसह अंबरनाथ, बदलापुरातील पाणी पुरवठा २४ तास बंद

खंबाटकी घाटातील नवीन बोगदा अंतिम टप्प्यात, पुणे – बंगळूरू महामार्गाचे दळणवळण होणार गतिमान

वर्ध्यात पाण्यासाठी हाहा:कार! पाणीपुरवठा बेमुदत बंद राहणार ?

समाविष्ट गावातीत पाणी प्रश्न सोडवण्यासाठी पालिकेचे मोठे पाऊल !

२२ पाणथळ जागांचे भवितव्य अहवालबंद

आणखी वाचा-मुंबई : गिर्यारोहणासाठी गेलेल्या मित्र-मैत्रिणीला मारहाण करून लुटले

संबंधित जलवाहिन्यांची दुरुस्ती होण्यासाठी सुमारे २४ तासांचा कालावधी लागू शकतो, अशी माहिती जल अभियंता विभागाकडून देण्यात आली. या दुरुस्तीच्या कामासाठी सीजीएस वसाहत, महात्मा गांधी नगर, कोकरी आगर, भारतीय कमला नगर, विजय नगर, संगम नगर, दोस्ती एकर्स, हिम्मत नगर, शांती नगर, आझाद मोहल्ला, अंटोप हिल, वडाळा पूर्व, गणेश नगर, शिवशंकर नगर, नेहरू नगर, इंदिरा नगर, वडाळा ट्रान्झिट कॅम्प, पंजाबी कॉलनी, सेवा समिती, म्हाडा कॉलनी, शीव कोळीवाडा आदी भागांतील पाणीपुरवठा पूर्णतः खंडित करण्यात आला आहे. नागरिकांनी या कालावधीत पाण्याचा अपव्यय टाळावा, असे आवाहन पालिकेकडून करण्यात आले आहे.