मोठी बातमी: मुंबईतल्या अँटॉप हिल भागात चाळीची भिंत कोसळून दोन महिलांचा मृत्यू

दोन महिलांचा मृत्यू

चाळीची भिंत कोसळून शोभादेवी मौर्य (वय-४५) आणि झाकिरुन्निसा शेख (वय-५०) अशी या दोन मृत महिलांची नावं आहेत. या दोन महिलांना उपचारांसाठी रुग्णालयात नेण्यात आलं होतं. मात्र तिथे त्यांना मृत घोषित करण्यात आलं.

वडाळा अँटॉप हिल विजय नगर भागातली घटना

मिळालेल्या माहितीनुसार, आज रात्री ९.३० च्या सुमारास ही घटना घडली. चाळीचा काही भाग कोसळला. वडाळा अँटॉप हिलच्या विजय नगरमधील पंजा गल्ली परिसरात ही घटना घडली. चाळीच्या दुसऱ्या आणि तिसऱ्या मजल्यावरील आणि वरच्या तीन मजल्यांवरील भिंतीचा काही भाग कोसळला होता आणि काही भाग लटकलेल्या स्थितीत होता अशी माहिती अग्निशमन दलाच्या अधिकाऱ्यांनी दिली आहे. या दुर्घटनेत दोन महिला जखमी झाल्याचं सांगण्यात येत होतं. मात्र, या जखमींना रुग्णालयात मृत घोषित करण्यात आलं.