आरोग्य यंत्रणेच्या बदनामीचे कारस्थान; उद्धव ठाकरे यांचा आरोप

राज्यातील सार्वजनिक आरोग्य व्यवस्था कोलमडली आहे. ठाणे, छत्रपती संभाजीनगर, नागपूर, नांदेड येथील घटनांनी मन अस्वस्थ होत आहे.

uddhav thackreyUddhav Thackeray allegation of a conspiracy to defame the health system

मुंबई: राज्यातील सार्वजनिक आरोग्य व्यवस्था कोलमडली आहे. ठाणे, छत्रपती संभाजीनगर, नागपूर, नांदेड येथील घटनांनी मन अस्वस्थ होत आहे. रुग्णांच्या मृत्यूचे खापर आरोग्य यंत्रणेवर फोडले जात आहे. त्यांच्यावर कारवाई करून त्यांना बदनाम केले जात आहे अशी टीका माजी मुख्यमंत्री व शिवसेना पक्षप्रमुख उद्धव ठाकरे यांनी शुक्रवारी केली. महाविकास आघाडी सरकारच्या काळात करोनासारखे महासंकट होते. त्यावेळी पण आज असलेली आरोग्य यंत्रणाच अस्तित्वात होती. त्याच यंत्रणेच्या सहकार्याने संकटावर मात करण्यात आली. वेळप्रसंगी ड्रोनच्या साह्याने औषधपुरवठा करण्यात आला होता.

राज्यातील सरकारी रुग्णालयांत रुग्णांचा बळी जात असताना मुख्यमंत्री व उपमुख्यमंत्री हे दिल्लीत नक्षलवाद कसा रोखता येईल यांच्यावर चर्चा करण्यात मग्न आहेत. ही चर्चा आवश्यक आहे पण नक्षलवाद्यांच्या हल्ल्यापेक्षा जास्त बळी सध्या रुग्णालयात जात आहेत. त्याकडे राज्यातील सरकार कधी लक्ष देणार, असा सवाल ठाकरे यांनी केला. नांदेड येथील अधिष्ठातावर सदोष मनुष्यवधाचा गुन्हा दाखल करण्यात आला आहे. एका खासदाराने त्या अधिष्ठातांना शौचालय स्वच्छ करण्यास सांगितल्याने गुन्हा दाखल करण्यात आला आहे. त्यामुळे खासदाराला पाठीशी घालताना त्या अधिष्ठातावर गुन्हा दाखल करण्यात आला. मग हाच न्याय ठाणे, छत्रपती संभाजी नगर, नागपूर येथील दुर्घटनेला जबाबदार असलेल्या अधिकाऱ्यांना का लागू करण्यात आलानाही, असा सवालही ठाकरे यांनी केला.शिवसैनिकांनी प्रत्येक सरकारी रुग्णालयात जाऊन अधिष्ठाता व डॉक्टर यांच्याशी संवाद साधावा. त्यांचा विश्वास संपादन करून रुग्णांना आवश्यक ती मदत करावी, असे आवाहन ठाकरे यांनी केले आहे.

आणखी वाचा

Uddhav Thackeray : “जरा डोक्याला ब्राह्मी तेल लावा, मग…”, उद्धव ठाकरेंची अमित शाह यांच्यावर बोचरी टीका

D. Y. Chandrachud : संजय राऊतांच्या टीकेवर माजी…

uddhav thackeray replied to devendra fadnavis dharmayudhha criticism

“आधी स्वत:चं जॅकेट सांभाळा, मग धर्मयुद्ध करा”, उद्धव ठाकरेंचा देवेंद्र फडणवीसांना टोला!

uddhav thackeray emotional appeal impact to voters

उद्धव यांचे भावनिक आवाहन ठाकरे सेनेला कितपत तारणार? मराठवाड्याकडे विशेष लक्ष?

Raj Thackeray in Nashik : “निवडणुका म्हणजे तुम्हाला सांगतो…”, प्रचारसभांना कंटाळून राज ठाकरे नेमकं काय म्हणाले?

Video Story Of Ravindra Dhangekar And Devendra Fadnavis.

Ravindra Dhangekar: “निवडणूक हरत असल्याचे लक्षात येताच…” फडणवीसांच्या ‘ॲक्सिडेंटल आमदार’ टीकेला धंगेकरांचे प्रत्युत्तर; पाहा व्हिडिओ

Raj Thackeray Health Update : “माझी प्रकृती नाजूक…”, राज ठाकरेंनी दोन मिनिटांत आटोपलं भाषण!

First published on: 07-10-2023 at 03:40 IST

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Uddhav thackeray allegation of a conspiracy to defame the health system amy