Dasara Melava 2022 : “रावणाने संन्याशाचं रुप घेऊन सीतेचं हरण केलं होतं, तसं हे तोतये…”, उद्धव ठाकरेंचा शिंदे गटावर हल्लाबोल!

नेहमी वाटतं की तुम्ही गेलात तर ठीक आहे, पण स्वत:चं घर जाळण्याचं पाप करु नका. हा इतिहास तुम्ही कधी बदलू शकणार नाही आणि शिवसैनिक तुम्हाला तसं करू देणार नाही. तुमच्या माथ्यावरचा गद्दारीचा शिक्का आता कधीही पुसला जाणार नाही. कुणी सांगतं की तुम्ही भाषणं नीट करा. आम्ही नक्की नीट करू. पण तुमचे मंत्री, आमदार कुणी कुणाचे डोळे काढतंय, कोण तंगडं तोडतंय.. एक आरोग्यमंत्री म्हणतात, मी कसला भिकारी होणार? मी महाराष्ट्राला भिकारी करेन. या आरोग्यमंत्र्यांचं नामोनिशाण महाराष्ट्रातून मिटवावं लागेल. ते काम मतदारांना करावं लागेल – किशोरी पेडणेकर

उद्धव ठाकरे म्हणतात मी जे बोलतो, ते करून दाखवतो. हीच त्या सगळ्यांना पोटदुखी आहे – किशोरी पेडणेकर

दरवेळी बघते.. १०-१५ वर्षांनी प्रत्येकाला उर्मी येते, मोड येतो.. आणि ते शिवसेनेवर थुकत निघून जातात. पण थोड्याच दिवसांत त्यांची तोंडं आवळण्याचं काम निष्ठावंत शिवसैनिक करतात. म्हणून आजही सर्वांना वाटत होतं की बोलणाऱ्याचं तोंड धरता येत नाही. पण कृतीने आपण तोंडं बंद करू शकतो – किशोरी पेडणेकर

कोविड काळात सर्व राज्यांत ऑक्सिजनचा तुटवडा पडला. पण महाराष्ट्रात ऑक्सिजनमुळे एखादा रुग्ण मरण पावला असं कुठेही घडलं नाही. पालिकेच्या सर्व अधिकाऱ्यांचे मनापासून आभार मानले पाहिजेत. – किशोरी पेडणेकर

आलेली माणसं आणि जबरदस्तीने आणलेली माणसं यात फरक असतो – किशोरी पेडणेकर