मोठी बातमी! उद्धव ठाकरेंना संजय राऊतांची भेट नाकारली; तुरुंग प्रशासनाने म्हटलं, “त्यांना भेटायचं असेल तर…”

उद्धव ठाकरेंना संजय राऊत यांना भेटण्याची परवानगी नाकारताना तुरुंग प्रशासनाने, “त्यांना भेटायचं असेल, तर यासंदर्भात उद्धव ठाकरेंनी न्यायालयाची परवानगी घ्यावी” असे सांगितले आहे. सर्वसामान्य कैद्यांना ज्यापद्धतीने भेटायची व्यवस्था असते तशाच पद्धतीने उद्धव यांना संजय राऊतांना भेटता येईल, असं तुरुंग प्रशासनाने स्पष्ट केलं आहे. उद्धव ठाकरेंनी राऊत यांना जेलरच्या रुममध्ये भेटण्यासंदर्भात परवानगी मागितली होती. मात्र अशी विशेष परवानगी देता येणार नाही. इतर सर्वसामान्य कैद्यांप्रमाणेच ठाकरेंना राऊत यांना भेटता येईल, असं तुरुंग प्रशासनाकडून कळवण्यात आलं आहे.

आणखी वाचा

‘बटेंगे तो कटेंगे’ असे वक्तव्य करणारे याेगी आदित्यनाथ यांचा आता ‘हा’ नारा

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

सत्ता आली तर मशिदीवरील भोंगे ४८ तासात उतरवेन ; राज ठाकरे

Amit Shah: आता थेट केंद्रीय गृहमंत्री अमित शाह यांच्या हेलिकॉप्टरची तपासणी; उद्धव ठाकरेंप्रमाणेच व्हिडीओ पोस्ट करत म्हणाले..

Raj Thackeray : “रमेश वांजळे शेवटचं माझ्याशी बोलले”, राज ठाकरेंनी सांगितली आठवण; म्हणाले, “अनेक जण सोडून गेले, पण…”

संजय मोनेंची अमित ठाकरेंसाठी खास पोस्ट, ‘राज’पुत्राला मत देण्यासाठी सांगितले ‘हे’ १० मुद्दे

Sana Malik : “नवाब मलिक तुरुंगात असताना पक्षातील लोकांनी…”, सना मलिक यांचा गंभीर आरोप!

Nitin Gadkari: उद्धव ठाकरेंनंतर आता नितीन गडकरींचीही तपासणी; हेलिकॉप्टर तपासणीचा व्हिडीओ आला समोर

एएनआय या वृत्तसंस्थेने सुत्रांच्या हवाल्याने दिलेल्या वृत्तानुसार, यासंदर्भात उद्धव यांनी कोणतेही लेखी निवेदन तुरुंग प्रशासनाला दिलं नव्हतं. उद्धव यांच्या तर्फे एका व्यक्तीचा फोन तुरुंग प्रशासनाकडे आला होता. उद्धव ठाकरेंना संजय राऊतांना पोलीस अधीक्षकांच्या रुममध्ये भेटायचं आहे असं सांगण्यात आलं. मात्र तुरुंग अधीक्षकांनी राऊत यांना भेटायचं असेल तर सर्वसामान्य व्यक्तींप्रमाणे भेटावे लागेल आणि ही भेट घेण्यासाठीही न्यायालयाची परवानगी घ्यावी लागेल, असं सांगण्यात आलं.

सुत्रांनी दिलेल्या माहितीनुसार उद्धव यांच्या निकटवर्तीयांपैकी एका व्यक्तीने फोनवरुन अनौपचारिक भेटीसंदर्भात विचारपूस केली होती. तुरुंग अधीक्षकांच्या रुममध्ये राऊत यांना भेटण्याची परवानगी द्यावी यासंदर्भात विचारणा झाली. मात्र, अशाप्रकारे भेट देता येणार नाही. रितसर पद्धतीने परवानगी घेऊनच भेट घेता येईल असं सांगण्यात आलं.

तुरुंगातील मॅन्यूअलप्रमाणे केवळ रक्ताचं नातं असणाऱ्या व्यक्तींनाच कैद्याला तुरुंग प्रशासनाच्या परवानगीनंतर भेटता येतं. इतर कोणाला कैद्याला भेटायचं असेल तर त्यासाठी न्यायालयाची परवानगी घ्यावी लागते. आता उद्धव ठाकरे राऊत यांची भेट घेण्यासाठी न्यायालयाकडे परवानगी मागण्याची शक्यता व्यक्त केली जात आहे.