आज रामनवमीच्या निमित्ताने देशभरात वेगवेगळ्या कार्यक्रमांचं आयोजन करण्यात आलं आहे. उत्साहात रामनवमी साजरी केली जात आहे. या पार्श्वभूमीवर मुंबईत ‘मातोश्री’ या उद्धव ठाकरेंच्या निवासस्थानीही रामनवमीनिमित्त कार्यकर्ते जमले होते. निमित्त होतं थेट रामटेकहून मुंबईपर्यंत पायी चालत आलेल्या काही शिवसेना कार्यकर्त्यांच्या कौतुकाचं. यावेळी उद्धव ठाकरेंनी या कार्यकर्त्यांना भेटल्यानंतर उपस्थितांशी संवाद साधताना उद्धव ठाकरेंनी शिंदे गट आणि भाजपाला टोला लगावला.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

“ज्या हिंमतीनं रामटेक ते इथपर्यंत पायी येणं ही हिंमत आहे. ही जिद्द तुम्ही जिथून आला असाल तिथपर्यंत पोहोचवा. तुम्ही सगळे सोबत आहात हीच माझी ताकद आहे. धनुष्यबाण जरी कागदावरचा नेला असला, तरी हे बाण माझ्या भात्यात आहेत. हे फक्त बाण नाहीत, तर हे ब्रह्मास्त्र आहेत. हे सगळे ब्रह्मास्र माझ्याबरोबर आहेत”, असं उद्धव ठाकरे यावेळी म्हणाले.

आणखी वाचा

“धनुष्यबाण चोरला असला, तरी प्रभू राम माझ्याबरोबर”

“एका दृष्टीने पाहिलं, तर असं कुणीतरी कुणासाठीतरी इतके किलोमीटर पायपीट करत येणं आत्ताच्या काळात अवघड नाही, अशक्य आहे. तुम्हाला मातोश्रीत यावं आणि माझ्यासोबत उभं राहावं असं वाटणं हा मी रामाचा आशीर्वाद मानतो. रामटेकमधून निघून तुम्ही बरोबर राम नवमीला इथे पोहोचलात. काही जणांनी धनुष्यबाण चोरला असला, तरी प्रभूराम माझ्यासोबत आहेत”, असा टोला उद्धव ठाकरेंनी लगावला.

“आपण एकत्र आलो, तर लंकादहन शक्य आहे”

“लोकशाही वाचवणं हे केवळ माझ्या एकट्याचं काम नाही किंवा माझ्या एकट्यासाठी नाही. आपल्या सगळ्यांसाठी, आपल्या पुढच्या पिढ्यांसाठी आहे. रामसेतू बांधताना वानरसेना तर होतीच, पण खारही होती. तेव्हा तर खारीनंही तिचा वाटा उचलला. आपण सगळे एकत्र आलो, तर लंकादहन करू शकणार नाही का?” असा प्रश्न उद्धव ठाकरेंनी उपस्थित कार्यकर्त्यांना केला.

छत्रपती संभाजीनगर राडा: मुख्यमंत्री एकनाथ शिंदेंनी केलं महत्त्वाचं आवाहन, म्हणाले..

“तेव्हा प्रभू रामचंद्राचं नाव घेऊन दगड टाकला, तरी तो तरंगायचा. आत्ता राजकारणात तेच झालंय. प्रभू रामाचं नाव घेऊन दगड तरंगतायत. तेव्हा दगडांवर पाय ठेवून लंकेत जाण्यासाठी ते तरंगत होते. आता दगडच तरंगतायत आणि दगडच राज्य करतायत. मग खऱ्या रामभक्तांनी करायचं काय? ते रामभक्तांचं काम मला तुमच्याकडून अपेक्षित आहे”, असंही उद्धव ठाकरेंनी यावेळी नमूद केलं.

“ज्या हिंमतीनं रामटेक ते इथपर्यंत पायी येणं ही हिंमत आहे. ही जिद्द तुम्ही जिथून आला असाल तिथपर्यंत पोहोचवा. तुम्ही सगळे सोबत आहात हीच माझी ताकद आहे. धनुष्यबाण जरी कागदावरचा नेला असला, तरी हे बाण माझ्या भात्यात आहेत. हे फक्त बाण नाहीत, तर हे ब्रह्मास्त्र आहेत. हे सगळे ब्रह्मास्र माझ्याबरोबर आहेत”, असं उद्धव ठाकरे यावेळी म्हणाले.

आणखी वाचा

“धनुष्यबाण चोरला असला, तरी प्रभू राम माझ्याबरोबर”

“एका दृष्टीने पाहिलं, तर असं कुणीतरी कुणासाठीतरी इतके किलोमीटर पायपीट करत येणं आत्ताच्या काळात अवघड नाही, अशक्य आहे. तुम्हाला मातोश्रीत यावं आणि माझ्यासोबत उभं राहावं असं वाटणं हा मी रामाचा आशीर्वाद मानतो. रामटेकमधून निघून तुम्ही बरोबर राम नवमीला इथे पोहोचलात. काही जणांनी धनुष्यबाण चोरला असला, तरी प्रभूराम माझ्यासोबत आहेत”, असा टोला उद्धव ठाकरेंनी लगावला.

“आपण एकत्र आलो, तर लंकादहन शक्य आहे”

“लोकशाही वाचवणं हे केवळ माझ्या एकट्याचं काम नाही किंवा माझ्या एकट्यासाठी नाही. आपल्या सगळ्यांसाठी, आपल्या पुढच्या पिढ्यांसाठी आहे. रामसेतू बांधताना वानरसेना तर होतीच, पण खारही होती. तेव्हा तर खारीनंही तिचा वाटा उचलला. आपण सगळे एकत्र आलो, तर लंकादहन करू शकणार नाही का?” असा प्रश्न उद्धव ठाकरेंनी उपस्थित कार्यकर्त्यांना केला.

छत्रपती संभाजीनगर राडा: मुख्यमंत्री एकनाथ शिंदेंनी केलं महत्त्वाचं आवाहन, म्हणाले..

“तेव्हा प्रभू रामचंद्राचं नाव घेऊन दगड टाकला, तरी तो तरंगायचा. आत्ता राजकारणात तेच झालंय. प्रभू रामाचं नाव घेऊन दगड तरंगतायत. तेव्हा दगडांवर पाय ठेवून लंकेत जाण्यासाठी ते तरंगत होते. आता दगडच तरंगतायत आणि दगडच राज्य करतायत. मग खऱ्या रामभक्तांनी करायचं काय? ते रामभक्तांचं काम मला तुमच्याकडून अपेक्षित आहे”, असंही उद्धव ठाकरेंनी यावेळी नमूद केलं.