मुंबई हल्ल्यातील दोषींना पकडण्यासाठी अमेरिकेकडून ५० लाख डॉलर्सचे बक्षीस

मुंबईवर २६ नोव्हेंबर २००८मध्ये झालेल्या दहशतवादी हल्ल्याने संपूर्ण जगाला हादरवून टाकले होते. या हल्ल्याला आज १० वर्षे पूर्ण झाली आहेत. त्यानिमित्त अमेरिकेचे परराष्ट्र मंत्री माइक पोम्पिओ यांनी अमेरिकेच्यावतीने आपल्या भावना व्यक्त केल्या आहेत. पोम्पिओ म्हणाले, मुंबई हल्ल्याच्या दशवर्षपूर्तीनिमित्त मी अमेरिका तसेच सर्व अमेरिकन नागरिकांच्यावतीने मुंबईकरांना बळ मिळावे अशी भावना व्यक्त करतो.

दरम्यान, मुंबई हल्ल्यामध्ये शहीद झालेल्या जवानांची देशवासियांकडून प्रत्येक वर्षी आठवण काढली जाते. यावेळीही यानिमित्त मॅरेथॉनसह अनेक कार्यक्रमांचे आयोजन करण्यात आले आहेत. मुख्यमंत्री देवेंद्र फडणवीस आज या हल्ल्यातील शहीदांना श्रद्धांजली वाहणार आहेत.