गर्भवती महिलांसाठी लसीकरण मोहीम

राज्याच्या साथरोग सल्लागार समितीने एच१-एन१ स्वाइन फ्लूसाठी गर्भवती महिलांसह अतिजोखीम गटातील लोकांचे लसीकरण करण्याची शिफारस केल्यामुळे राज्यातील नागपूर, पुणे, अमरावती व नाशिक येथे लसीकरण मोहीम राबविण्याचा निर्णय आरोग्य विभागाने घेतला आहे. त्याचप्रमाणे मुंबई महापालिकेलाही स्वाइन फ्लूचा फैलाव रोखण्यासाठी लसीकरण मोहीम हाती घेण्याचे निर्देश देण्यात आले आहेत.

आणखी वाचा

मानव-वन्यजीव संघर्ष : चंद्रपूर जिल्ह्यात ३७ वन्यप्राण्यांचा तर २९ नागरिकांचा मृत्यू

‘मायक्रो-रिटायरमेंट’ म्हणजे काय? तरुणांमध्ये का वाढतोय हा ट्रेंड?

लाडक्या बहीण योजनेसाठी इतर कोणत्याही विभागाचा निधी वळविण्यात आलेला नाही – मंत्री आदिती तटकरे

मुलगी न्यायालयात म्हणाली, चुकीने बलात्काराची तक्रार…आता मला भूतकाळ…

पुणे : वेदनाशामक औषधांचा नशेसाठी वापर, तरुणी अटकेत; औषधांच्या १६० बाटल्या जप्त

अटलबिहारी वाजपेयींनंतर दीक्षाभूमीला भेट देणारे डॉ. मनमोहन सिंग दुसरे पंतप्रधान होते

‘सीए’ अभ्यासक्रमाच्या परीक्षेचा निकाल जाहीर, ११ हजार ५०० विद्यार्थी ‘सीए’ म्हणून पात्र

कल्याणमधील भटक्या श्वानाचे तीन जणांना चावे, भटक्या श्वानांच्या उपद्रवाने नागरिक, शाळकरी विद्यार्थी त्रस्त

राज्यात पुण्यामध्ये २००९ साली स्वाइन फ्लूचा पहिला रुग्ण सापडल्यानंतर गेल्या दोन वर्षांत एच१-एन१ स्वाइन फ्लूचे रुग्ण मोठय़ा संख्येने आढळून आले. यामुळे आरोग्य विभागाने स्वाइन फ्लूसह एकूणच साथीच्या रोगावर मात करण्यासाठी माजी आरोग्य संचालक व साथरोग आजारासाठी नियुक्त समितीचे अध्यक्ष डॉ. सुभाष साळुंखे यांची सल्लागार म्हणून नियुक्ती केली. यातून गेल्या वर्षी म्हणजे २०१५ मध्ये व्यापक तपासणी मोहीम राबविण्यात आली. यात एकूण साडेआठ हजार रुग्ण आढळून आले असून ९०५ लोकांचा स्वाइन फ्लूने मृत्यू झाला. याची गंभीर दखल घेऊन आरोग्यमंत्री दीपक सावंत यांनी यंदा जून-जुलै व नोव्हेंबरमध्ये दोन वेळा आढावा बैठका घेतल्या. दोन दिवसांपूर्वी आरोग्यमंत्र्यांनी बैठक घेऊन गर्भवती महिलांसह अतिजोखीम गटातील लोकांचे तात्काळ लसीकरण करण्याचे आदेश दिल्याचे डॉ. साळुंखे यांनी सांगितले. यानुसार २५ हजार लसीचे डोस तयार करण्यात आले असून मुंबई महापालिकेलाही स्वाइन फ्लू रोखण्यासाठी खबरदारीच्या उपाययोजना करण्यास सांगण्यात आल्याचे सूत्रांचे म्हणणे आहे.

प्रामुख्याने नागपूर, अमरावती, नाशिक व पुण्यात तसेच काही शहरांमध्ये जेथे स्वाइन फ्लूचे रुग्ण मोठय़ा संख्येने यापूर्वी आढळून आले आहेत. तेथे गर्भवती महिला व मधुमेहासह जोखीम गटातील लोकांचे लसीकरण करण्यात येणार असल्याचेही त्यांनी माहिती देताना सांगितले.

स्वाइन फ्लूची लक्षणे

स्वाइन फ्लूची बाधा झाल्यास सात दिवसांत सर्दी, तापासोबत थकवा येणे, सतत खोकला, घसा दुखणे, डोकेदुखी आदी लक्षणे दिसतात. अशी लक्षणे दिसताच तात्काळ डॉक्टरांकडे जाऊन आवश्यक वैद्यकीय तपासणी करावी. डॉक्टरांच्या सल्ल्यानुसार औषधांचा कोर्स पूर्ण केल्यास दहा दिवसांत हा आजार बरा होऊ शकतो.