मालाड पश्चिम येथील प्रभाग क्रमांक ३० मधून शिवसेना उमेदवार विश्वास पांडुरंग घाडीगावकर यांची नगरसेवक म्हणून महापौर स्नेहल आंबेकर यांनी शुक्रवारी पालिका सभागृहात घोषणा केली. पालिका निवडणुकीत विजयी झालेले काँग्रेसचे नगरसेवक सिराज शेख यांना तीन अपत्य असल्याने सर्वोच्च न्यायालयाने त्यांचे नगरसेवकपद रद्द केले. सर्वोच्च न्यायालयाच्या या निर्णयामुळे निवडणुकीत दुसऱ्या क्रमांकाची मते मिळविणारे घाडीगावकर यांनी नगरसेवकपदी निवड जाहीर करण्यात आली.
