दुरूस्‍ती कामामुळे कुर्ला परिसरात सोमवारपासून कमी दाबाने पाणीपुरवठा; नागरिकांनी काटकसरीने पाणी वापरावे – महानगरपालिकेचे आवाहन

कप्पा दुरूस्‍ती कामामुळे कुर्ला पश्चिम परिसरातील काही प्रभाग, तसेच उंचीवरील वस्तींमध्ये कमी दाबाने पाणीपुरवठा होण्याची शक्यता आहे. अंधेरी पूर्व परिसरातील बामणदया पाडा, मारवा इस्टेट, अशोक टॉवर, उदय नगर, साकीनाका, घाटकोपर अंधेरी लिंक रोडवरील टिळक नगर, बामणदया पाडा, मारवा इस्टेट, अशोक टॉवर, उदय नगर, साकीनाका, कुर्ला – अंधेरी रस्त्यावरील जरी मरी, विजय नगर, एल.बी.एस. नगर, शास्त्री नगर, शेट्टीया नगर, सत्य नगर जलवाहिनी, वायर गल्ली, ३ नंबर खाडी या विभागांमध्ये कमी दाबाने पाणीपुरवठा होण्याची शक्यता आहे.

हेही वाचा… औषधे आणि उपकरणांवरील वस्तू आणि सेवा कर कमी केल्यास उपचार स्वस्त होतील; वैद्यकीय संघटनांचे पंतप्रधानांना पत्र

जलाशयाच्‍या एकाच कप्प्यातून पाणीपुरवठा केला जात असल्याने कमी दाबाने पाणीपुरवठा होण्याची शक्यता आहे. ही बाब लक्षात घेता सदर कालावधीत पाण्‍याचा जपून वापर करावा आणि सहकार्य करावे, असे आवाहन महानगरपालिकेकडून करण्यात आले आहे.