मालाडमध्ये गुरुवारी पाणीपुरवठा बंद; पाणी जपून वापरण्याचे महापालिकेचे आवाहन

मुंबई : मालाड (प.) येथील एवरशाईन नगरातील ९०० मिमी व्यासांच्या जलवाहिनीतून गळती होत असून महापालिकेच्या जलअभियंता विभागातर्फे गुरुवार, १२ डिसेंबर रोजी जलवाहिनीच्या दुरुस्तीचे काम हाती घेण्यात येणार आहे. दुरुस्तीच्या कामामुळे मालाड परिसरातील जनकल्याण नगर, अम्बोजवाडी, आझमी नगर भागात गुरुवारी रात्री १० ते शुक्रवारी सकाळी ८ दरम्यान पाणीपुरवठा पूर्णपणे बंद ठेवण्यात येणार आहे.