पश्चिम रेल्वेच्या सात गाडय़ांच्या डब्यांची संख्या वाढली

पश्चिम रेल्वेने मुंबई सेंट्रल आणि वांद्रे टर्मिनस येथून सुटणाऱ्या सहा लांब पल्ल्याच्या गाडय़ांच्या डब्यांची संख्या वाढविली आहे. मुंबई सेंट्रल येथून सुटणाऱ्या नवी दिल्ली (१२९५१/५२) व हजरत निजामुद्दीन (१२९५३/५४) या गाडय़ांना वातानुकूलित थ्री टायर आणि वातानुकूलित टू टायरचा प्रत्येकी एक डबा जोडण्यात आले आहेत. मुंबई सेंट्रल येथून सुटणाऱ्या इंदौर (१२९६१/६२) आणि वडोदरा (१९६२७/२८) या गाडय़ांना वातानुकूलित थ्री टायरचा एक आणि दुसऱ्या वर्गाच्या शयनयानचे दोन, असे प्रत्येकी तीन डबे जोडण्यात आले आहेत. वांद्रे टर्मिनस येथून सुटणाऱ्या दिल्ली सराई रोहिला (१९०२९/३०) या गाडीला वातानुकूलित थ्री टायर आणि दुसऱ्या वर्गाच्या शयनयान असे दोन डबे तर जम्मू तावी (१९०२७/२८) या गाडीला दुसऱ्या वर्गाचा शयनयानचा एक डबा जोडण्यात आला आहे.