“वाढत्या पब संस्कृतीला राज्य सरकारचा गलथानपणा जबाबदार”; नाखवा कुटुंबीयांच्या भेटीनंतर रवींद्र धंगेकर आक्रमक; म्हणाले, “जर सरकारने…”

नेमकं काय म्हणाले रवींद्र धंगेकर?

“महाराष्ट्रात आज पब संस्कृती फोफावते आहे. यात श्रीमंत बापाची माजोरडी मुलं अडकत चालली आहे. या पबमध्ये बसून ज्या प्रकारे मुलं मस्ती करतात, त्यामुळे दर आठवड्यात महाराष्ट्रातील एखाद्या कुटुंबाला भोगावं लागतं. नाखवा कुटुंबाच्याबाबतीतही तेच झालं. तीन दिवसांपूर्वी झालेल्या अपघातात नाखवा कुटुंबातील महिलेला फरफटत नेल्या गेले. इतकंच नाही तर त्यांच्या अंगावरून गाडीही चालवण्यात आली. त्यामुळे हा अपघात नसून एक प्रकारे क्रूर हत्या आहे”, अशी संतप्त प्रतिक्रिया रवींद्र धंगेकर यांनी दिली.

आणखी वाचा

Ravi Rana : “उद्धव ठाकरे अन् देवेंद्र फडणवीसांची छुपी रणनीती”, ‘या’ नेत्याचा मोठा दावा; म्हणाले, “लवकरच…”

‘मुलुंडचे लवकरच नवीन धारावी नामांतर’, संतप्त मुलुंडवासियांकडून मुलुंडमध्ये…

मानवीय गुणांनी युक्त असणे हीच मानवाची खरी ओळख – माता सद्गुरू सुदीक्षाजी महाराज

मालेगाव : उशिराने जन्म, मृत्यू प्रमाणपत्रास स्थगिती; घुसखोरीच्या आरोपांनंतर सरकारचा निर्णय

Sameer Wankhede : नवाब मलिकांना दिलासा; समीर वानखेडेंनी केलेल्या तक्रारीवर पोलिसांनी सादर केला क्लोजर रिपोर्ट!

Rahul Gandhi : “ते विधान ऐकून धक्का बसला अन् हातातून दुधाची बादली पडली”, २५० रूपयांसाठी राहुल गांधींविरोधात तरुणाची याचिका

बुलढाणा पालकमंत्री निवडीतही धक्कातंत्र; राष्ट्रवादीची बाजी

“महायुतीतील नेत्यांकडूनच माझ्याविरोधात…”, अजित पवारांसमोर धनंजय मुंडेंनी मांडली व्यथा; बीडमधील हत्या प्रकरणाचा उल्लेख करत म्हणाले…

हेही वाचा – मराठा आरक्षणावरील सर्वपक्षीय बैठकीवर बहिष्कार; मनोज जरांगेंनी विरोधकांना सुनावलं; म्हणाले, “आमचं मतं घेताना…”

“डोळ्यासमोर पत्नीचा मृत्यू होतो, ही वेदनादायी बाब”

“ज्याप्रकारे हा अपघात झाला, ते अतिशय दुर्दैवी आहे. आज आम्ही नाखवा कुटुंबाची भेट घेतली. त्यांच्या घरची परिस्थिती बघितली. आपल्या पत्नीचा आपल्या डोळ्यासमोर मृत्यू होतो, हीच मुळात अतिशय वेदनादायी बाब आहे. राज्यात ज्याप्रमाणे अनाधिकृतपणे पब संस्कृती वाढते आहे, त्याला राज्य सरकारचा आणि गृहखात्याचा गलथानपणा जबाबदार आहे. पब संस्कृतीमुळे आज राज्यातील तरुणाई बरबाद होते आहे”, असेही ते म्हणाले.

“…मग उत्पादन शुल्क विभाग फक्त पैसे खातो का?”

“माझी राज्याचे मुख्यमंत्री उपमुख्यमंत्री यांना विनंती आहे, त्यांनी सर्वात आधी राज्यातील पब बंद करावे. कालही एका पबवर मुंबई महापालिकेने कारवाई केली आहे. याचा अर्थ तो पब अनाधिकृत होता. मग अशावेळी उत्पादन शुल्क विभाग फक्त पैसे खातो का? असा प्रश्न पडतो. हे सगळं जर थांबणार नसेल, तर जनतेला कायदा हातात घ्यावा लागेल”, असा इशाराही रवींद्र धंगेकर यांनी दिला.

हेही वाचा – Hit and Run Case : आरोपी मिहीर शाह पोलिसांना म्हणाला, “माझं करीअर आणि…”…

“या प्रकरणाची वरिष्ठ पातळीवर चौकशी करा”

“या अपघातातील आरोपी हा एकनाथ शिंदे यांच्या पक्षातील नेत्याचा मुलगा आहे. अपघात झाला त्यावेळी तो मद्य प्राशन करून होता. तरीही तो पोलिसांना का सापडला नाही? त्याची नशा उतरल्यानंतरच तो पोलिसांना कसा सापडतो? याचा अर्थ पोलिासांनी ठरवून त्याला वाचवण्याचा प्रयत्न केला, असा आरोपही रवींद्र धंगेकर यांना केला. तसेच याप्रकरणाची वरिष्ठ पातळीवर चौकशी झाली पाहिजे”, अशी मागणीही त्यांनी केली.