प्रेयसीवरून वाद; लहान भावाने केली मोठ्या भावाची हत्या

‘व्हॅलेन्टाइन डे’च्या दिवशीच प्रेयसीवरील वादावरून मुंबईच्या दादर परिसरात सख्या मोठ्या भावाला आपला जीव गमवावा लागल्यामुळे या परिसरात खळबळ माजली आहे. जीतूराज गोस्वामी (४० वर्षे) आणि नवीन गोस्वामी (२१ वर्षे) हे दोघे सख्खे भाऊ रानडे रोडवर आईस्क्रिम पार्लर चालवतात. काल (गुरूवार) रात्री अकरा वाजताच्या सुमारास जीतूराज आणि नवीन यांच्यात झालेल्या भांडणामध्ये जीतूराजने नवीनच्या प्रेयसीला शिव्या दिल्या. त्यानंतर संतप्त झालेल्या नवीनने आईसक्रीम कापण्याच्या चाकूने आपला मोठा भाऊ जीतूराजची हत्या केली. त्यानंतर शिवाजी पार्क पोलीसांनी नवीनला अटक केली असून अधिक तपास सुरू आहे.