‘समृद्धी’वर अपघातांची मालिका सुरूच; कार दुभाजकावर धडकून १ ठार, ३ जखमी

‘समृद्धी’ महामार्गावर अतिवेग हा अनेक वाहनचालकांसाठी जीवघेणा ठरू लागला असून रविवारी मोगरा-धोत्रा गावानजीक भरधाव कार दुभाजकावर आदळून झालेल्या अपघातात १ जण ठार, तर कारमधील तिघे जखमी झाले. अपघातग्रस्त कारमधील प्रवासी हे रायपूर येथून शिर्डीला जात होते. दिनेश दौलत पंजवाणी (३७, रायपूर) असे मृताचे नाव आहे. वाहन तेच चालवत होते. या अपघातात मनीष पंजवाणी (३३), प्रदीप चांदवाणी (४५) आणि विकास जानवाणी (२३, सर्व रा. रायपूर) हे जखमी झाले आहेत.