अत्याचार पीडितेचे छायाचित्र व्हायरल करणे पडले महागात, महिला डॉक्टरला १४ दिवसांची न्यायालयीन कोठडी

चार दिवसांपूर्वी उमरखेड तालुक्यातील एका ११ वर्षीय बालिकेला वाटेत अडवून दुचाकीवरून शाळेत सोडून देण्याचा बहाणा करत विकृत नराधमाने तिच्यावर अत्याचार केला. त्यानंतर शाळेत न सोडता निर्जनस्थळी नेत त्याने तिच्यावर पाशवी अत्याचार केला. या प्रकरणी पोलिसांनी अजिज खान मोहमद खान पठाण (४९) रा. नागापूर रुपाळा, ता. उमरखेड असे या आरोपीस अटक केली. अत्याचार प्रकरणात कुठल्याही पीडित बालिकेचे अथवा महिलेचे नाव पुढे येणार नाही, अथवा कुणी तसा प्रयत्न करू नये, असे सर्वोच्च न्यायालयाचे निर्देश आहेत. मात्र प्रसिद्धीच्या हव्यासापोटी डॉ. सायली शिंदे यांनी त्या पीडित बालिकेचे भेटीदरम्यानचे फोटो समाज माध्यमांत व्हायरल केले. ही बाब स्थानिक व्यवसायिक लक्ष्मीकांत मैड यांच्या लक्षात येताच त्यांनी उमरखेड पोलीस ठाण्यात या प्रकरणी तक्रार दाखल केली.

आणखी वाचा

अंबरनाथमध्ये भरदिवसा महिलेची हत्या; पूर्वेतील उड्डाणपुलाशेजार घडली घटना, अंबरनाथमध्ये खळबळ

Malasian Airlines: बेपत्ता MH370 चा शोध; पुण्यातील प्रल्हाद…

Crime News : होमिओपॅथी डॉक्टरचे भयानक कृत्य! गर्लफ्रेंड आणि तिच्या वडिलांचा मृतदेह ४ महिने घरात दडवला, कुजू नयेत म्हणून…

अपघातात जीव गमावूनही तिनं दिलं सहा जणांना जीवदान…

विश्लेषण : मुंबईत आयटी तरुणी हत्या, बलात्कार प्रकरणात तपासातील त्रुटींमुळे आरोपी निर्दोष… नेमके प्रकरण काय होते?

प्रजासत्ताक दिनी ७० वर्षीय इसमाचा ४ वर्षांच्या मुलीवर लैंगिक अत्याचार; आरोपीला अटक

डॉक्टर तरुणीस आत्महत्येस प्रवृत्त करणारा अटकेत; नवी मुंबईत सांगलीतील डॉक्टर ताब्यात

पोलिसाला रिक्षासोबत फरफटत नेले; रिक्षाचालकाविरोधात गुन्हा दाखल

हेही वाचा – नागपूर : खुनाच्या गुन्ह्यातील आरोपी अभिवचन रजेवर कारागृहातून सुटला अन् फरार झाला, पण…

हेही वाचा – नागपूर : कारने भरधाव जाताना टोकल्याने केले तिघांचे अपहरण, कुख्यात सुमित ठाकूरवर गुन्हा दाखल

पोलिसांनी तक्रारीची दखल घेत सायली शिंदे यांच्या विरोधात बालकांचे लैंगिक अत्याचारापासून संरक्षण आणि अन्य कायद्याच्या विविध कलमान्वये गुन्हे दाखल करण्यात आले. तसेच उमरखेड येथील राहत्या घरून त्यांना अटकही करण्यात आली होती. दरम्यान, उमरखेड पोलिसांनी डॉ. सायली शिंदे यांना पुसद येथील न्यायालयात हजर केले. या वेळी न्यायालयाने शिंदे यांना १४ दिवसांची न्यायालयीन कोठडी सुनावत त्यांची रवानगी कारागृहात केली. न्यायालयीन कोठडी सुनावताच उमरखेड पोलिसांचे पथक त्यांना यवतमाळ येथील जिल्हा कारागृहात आणत असताना ऐनवेळी वाटेत डॉ. शिंदे यांची प्रकृती खालावली. त्यामुळे शिंदे यांना यवतमाळच्या शासकीय रुग्णालयात नेण्यात आले. तेथे उपचार आटोपल्यानंतर शिंदे यांची रविवारी कारागृहात रवानगी करण्यात आली. या घटनेने उमरखेड तालुक्यात खळबळ उडाली आहे.