आई-वडिलांच्या एकुलत्या एक मुलीचा स्कूल बस अपघात मृत्यू

यवतमाळ : उमरखेड येथील एका खासगी स्कूलच्या बसला शनिवारी सकाळी पळशी फाट्याजवळ अपघात झाला. या अपघातात नवव्या वर्गातील एक विद्यार्थीनी ठार झाली. महिमा आप्पाराव सरकाटे (१५), रा. दिवटी पिंपरी असे मृत विद्यार्थिनीचे नाव आहे. या अपघातात स्कूल बस मधील इतर विद्यार्थी किरकोळ जखमी झाले असून, त्यांच्यावर उमरखेड येथील उपजिल्हा रुग्णालयात उपचार सुरू आहेत.

आणखी वाचा

बुलढाणा : शेगाव गतिमंद विद्यालयातील १४ विद्यार्थ्यांना अन्नातून विषबाधा; एकाचा मृत्यू

Shiv Sena : महाराष्ट्राला लवकरच तिसरा उपमुख्यमंत्री मिळणार,…

Video : तळोजातील अपघातामध्ये एक ठार, महिला अत्यवस्थ

भरधाव मोटार उलटून तरुणीचा मृत्यू; मुंबई-बंगळुरू बाह्यवळण मार्गावर अपघात; सात जण जखमी

आत्महत्येस प्रवृत्त केल्याप्रकरणी विद्यार्थ्याच्या एक्स-गर्लफ्रेंडला अटक; जुळवून घेण्यास दिलेला नकार

अभ्यासाच्या तणावातून बारावीच्या विद्यार्थ्याची आत्महत्या

दाभोळ-मुंबई एस.टी. बस खोल धरणात कोसळताना वाचली; ४१ प्रवाशांनी सोडला सुटकेचा श्वास

Crime News : “मृत्यूनंतर काय होतं?”, गुगलवर सर्च केलं आणि स्वत:वरच झाडली गोळी; ९वीत शिकणाऱ्या मुलाचे धक्कादायक कृत्य

उमरखेड तालुक्यातील दिवटीपिंपरी ते दहागाव दरम्यान घटना घडली. स्टुडन्ट वेल्फेअर इंग्लिश मीडियम स्कूलची बस दिवटीपिंपरीवरून दहागाव येथील शाळेत विद्यार्थ्यांना घेऊन येत होती. स्कूल बसचे स्टेअरिंग रॉड तुटल्याने चालकाचे नियंत्रण सुटल्याने ही बस झाडावर आदळून उलटली. यात एका विद्यार्थीनीचा मृत्यू झाला. मृत विद्यार्थिनी आई वडिलांना एकुलती एक मुलगी होती.

या घटनेबद्दल पालकमंत्री संजय राठोड यांनी तत्काळ दखल घेवून जिल्हाधिकारी व जिल्हा पोलीस अधीक्षक यांना घटनास्थळी तातडीने मदत पोहचविण्याचे निर्देश दिले. तसेच या अपघतासाठी दोषी असणाऱ्या विरुध्द गुन्हे दाखल करण्याचे आदेश दिले. जिल्ह्यातील सर्वच शाळांच्या स्कूल बसची तपासणी करण्याचे निर्देशही पालकमंत्री संजय राठोड यांनी दिले. तसेच घटनेबद्दल तीव्र दुःख व्यक्त करून मृत विद्यार्थिनीच्या कुटुंबाप्रती संवेदना व्यक्त केल्या.