मासेमारांच्या जाळ्यात अडकले तब्बल १६ साप

अंबाझरी तलावाच्या काठावर मासे पकडण्याच्या जाळ्यात खूप मोठ्या संख्येने साप अडकल्याची माहिती मानद वन्यजीव रक्षक अजिंक्य भटकर यांनी ‘ट्रान्झिट ट्रिटमेंट’ केंद्राला दिली. त्यांनी जाळ्यात अडकलेल्या सापांची चित्रफित राज्य वन्यजीव मंडळाचे सदस्य कुंदन हाते यांना पाठवली. त्यांनी तातडीने केंद्रातील सौरभ सुखदेवे तसेच सर्पमित्र मोनू सिंग यांच्यासोबत भ्रमणध्वनीद्वारे संपर्क साधला. मोनू सिंग यांनी राेहित हुमाबादकरला अंबाझरी तलावावर पाठवले. पाठोपाठ सौरभ सुखदेवे, शिरीष नाखले, शुभम मेश्राम पोहोचले.