नागपूर: देशातील ११ राज्यांतील २५० विद्यार्थ्यांची नागपूर मेट्रोतून सफर

मेट्रो प्रवासाच्याआधी विद्यार्थ्यांना मेट्रोच्या एकूण कामकाजाची माहिती देण्यात आली.प्रवासादरम्यान विविध राज्यातील अनेक विद्यार्थी आपापल्या राज्यातील पारंपरिक वेशभूषा परिधान करून आले होते. तरुण कलाकार छोट्या वाद्यांच्या तालावर गाणी आणि नृत्यातून आपापल्या राज्यातील संस्कृतीचा प्रसार करत होते. राजस्थान, आसाम, केरळ, कर्नाटक, मध्य प्रदेश, छत्तीसगड, तामिळनाडू, उत्तर प्रदेश, हिमाचल प्रदेश आणि इतर राज्यांची संस्कृती विद्यार्थ्यांच्या या प्रवासात अनुभवायला मिळाली.

आनंद द्विगुणित झाला : डॉ. पिसे
चर्चे दरम्यान डॉ.सोपानदेव पिसे म्हणाले की, मेट्रोमध्ये प्रवास केल्याने राष्ट्रीय सेवा योजना शिबिराचा आनंद द्विगुणित झाला. ग्रीन मेट्रोसोबतच मला देशातील विविध राज्यातीलविद्यार्थ्यांसह मेट्रोमध्ये प्रवास करण्याचा बहुमान मिळाला आहे.