लोकसत्ता टीम
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
नागपूर : शहर पोलीस दलातील अधिकारी आणि कर्मचाऱ्यांना शहरभरातील गुन्हेगार घाबरतात. परंतु, नागपुरातील एका पोलीस ठाण्यात एक अजब घटना घडली. एमआयडीसी पोलीस ठाण्यात सर्व कर्मचारी आपापल्या कामात व्यस्त होते. तेवढ्यात जवळपास ६ फुट लांबीचा साप ठाण्यात शिरला. साप नजरेस पडताच पोलिसांमध्ये एकच खळबळ उडाली. सर्व कर्मचारी पोलीस ठाण्याबाहेर पळायला लागले. एका कर्मचाऱ्याने सर्पमित्राला फोन केला. काही मिनिटातच सर्पमित्र आला. त्याने पोलीस ठाण्यात घुसून घोणस जातीचा साप पकडला. साप पकडल्याचे कळताच पोलिसांनी सुटकेचा नि:श्वास सोडला. त्यानंतर सर्व कर्मचारी पोलीस ठाण्यात गेले आणि पुन्हा कामाला लागले.
परीमंडळ एकमध्ये समावेश असलेले एमआयडीसी पोलीस ठाणे नेहमी व्यस्त असते. रात्रभर पोलीस बंदोबस्त, कर्तव्य आणि पोलीस ठाण्यातील अन्य तपासाच्या कामात व्यस्त असतात. शनिवारी मध्यरात्री दोन वाजता काही पुरुष आणि महिला पोलीस कर्मचारी स्टेशन डायरीवर काम करीत होते. तर काही पोलीस कर्मचारी तपासात व्यस्त होते. यादरम्यान, जवळपास ६ फुट लांबीचा विषारी घोणस जातीचा साप पोलीस ठाण्यात शिरला.
आणखी वाचा-नागपूर : महामेट्रोच्या दिव्याखाली अंधार; भुयारी मार्गात दिवसा काळोख, अधिकारी सुस्त
तो थेट पोलीस निरीक्षकाच्या कक्षाकडे जायला निघाला. एका महिला पोलीस कर्मचाऱ्याच्या दृष्टीस तो साप पडला. त्या महिला कर्मचाऱ्याने लगेच अन्य पोलीस कर्मचाऱ्यांना सांगितले आणि ‘अलर्ट’ केले. घोणस जातीचा विषारी साप बघताच पोलिसांची तारांबळ उडाली. सापाला बघून पोलीस कर्मचाऱ्यांनी लगेच पोलीस ठाण्यातून बाहेर पळ काढला. एका पोलीस कर्मचाऱ्याने विदर्भ सर्पमित्र संघटनेचे अमित वंजारी यांना फोन करुन माहिती दिली. त्यांनी लगेच वानाडोंगरी येथे राहणारे सर्पमित्र आकाश मेश्राम एमआयडीसी पोलीस ठाण्यात पोहचले. त्यावेळी संपूर्ण पोलीस ठाणे रिकामे होते.
आणखी वाचा-‘बांटना और काटना’हे भाजपचे काम – खरगे
… आणि पोलिसांनी सुटकेचा नि:श्वास सोडला
सर्पमित्र आकाश याला साप कोणत्या दिशेला गेल्याचे पोलिसांनी सांगितले. त्याने त्या दिशेने सापाचा शोध घेतला. काही मिनिटातच त्याला साप दिसला. मात्र, साप पोलीस ठाण्यातील एका कपाटाखाली गेल्यामुळे केवळ सापाचे शेपूटच दिसत होते. शेवटी काही पोलिसांच्या मदतीने कपाट सरकविण्यात आले. त्यानंतर सापाला सर्पमित्राने मोठ्या शिताफीने पकडले. एका बरणीमध्ये त्या सापाला बंदिस्त करण्यात आले. त्यानंतर पोलिसांनी सुटकेचा नि:श्वास सोडला. सर्व कर्मचाऱ्याने सर्पमित्राचे आभार मानले आणि पोलीस ठाण्यात आपापल्या कर्तव्यात पुन्हा गुंतले. एका सापामुळे मात्र जवळपास तीन तास पोलीस ठाण्यातील कामांचा खोळंबा झाला होता.
नागपूर : शहर पोलीस दलातील अधिकारी आणि कर्मचाऱ्यांना शहरभरातील गुन्हेगार घाबरतात. परंतु, नागपुरातील एका पोलीस ठाण्यात एक अजब घटना घडली. एमआयडीसी पोलीस ठाण्यात सर्व कर्मचारी आपापल्या कामात व्यस्त होते. तेवढ्यात जवळपास ६ फुट लांबीचा साप ठाण्यात शिरला. साप नजरेस पडताच पोलिसांमध्ये एकच खळबळ उडाली. सर्व कर्मचारी पोलीस ठाण्याबाहेर पळायला लागले. एका कर्मचाऱ्याने सर्पमित्राला फोन केला. काही मिनिटातच सर्पमित्र आला. त्याने पोलीस ठाण्यात घुसून घोणस जातीचा साप पकडला. साप पकडल्याचे कळताच पोलिसांनी सुटकेचा नि:श्वास सोडला. त्यानंतर सर्व कर्मचारी पोलीस ठाण्यात गेले आणि पुन्हा कामाला लागले.
परीमंडळ एकमध्ये समावेश असलेले एमआयडीसी पोलीस ठाणे नेहमी व्यस्त असते. रात्रभर पोलीस बंदोबस्त, कर्तव्य आणि पोलीस ठाण्यातील अन्य तपासाच्या कामात व्यस्त असतात. शनिवारी मध्यरात्री दोन वाजता काही पुरुष आणि महिला पोलीस कर्मचारी स्टेशन डायरीवर काम करीत होते. तर काही पोलीस कर्मचारी तपासात व्यस्त होते. यादरम्यान, जवळपास ६ फुट लांबीचा विषारी घोणस जातीचा साप पोलीस ठाण्यात शिरला.
आणखी वाचा-नागपूर : महामेट्रोच्या दिव्याखाली अंधार; भुयारी मार्गात दिवसा काळोख, अधिकारी सुस्त
तो थेट पोलीस निरीक्षकाच्या कक्षाकडे जायला निघाला. एका महिला पोलीस कर्मचाऱ्याच्या दृष्टीस तो साप पडला. त्या महिला कर्मचाऱ्याने लगेच अन्य पोलीस कर्मचाऱ्यांना सांगितले आणि ‘अलर्ट’ केले. घोणस जातीचा विषारी साप बघताच पोलिसांची तारांबळ उडाली. सापाला बघून पोलीस कर्मचाऱ्यांनी लगेच पोलीस ठाण्यातून बाहेर पळ काढला. एका पोलीस कर्मचाऱ्याने विदर्भ सर्पमित्र संघटनेचे अमित वंजारी यांना फोन करुन माहिती दिली. त्यांनी लगेच वानाडोंगरी येथे राहणारे सर्पमित्र आकाश मेश्राम एमआयडीसी पोलीस ठाण्यात पोहचले. त्यावेळी संपूर्ण पोलीस ठाणे रिकामे होते.
आणखी वाचा-‘बांटना और काटना’हे भाजपचे काम – खरगे
… आणि पोलिसांनी सुटकेचा नि:श्वास सोडला
सर्पमित्र आकाश याला साप कोणत्या दिशेला गेल्याचे पोलिसांनी सांगितले. त्याने त्या दिशेने सापाचा शोध घेतला. काही मिनिटातच त्याला साप दिसला. मात्र, साप पोलीस ठाण्यातील एका कपाटाखाली गेल्यामुळे केवळ सापाचे शेपूटच दिसत होते. शेवटी काही पोलिसांच्या मदतीने कपाट सरकविण्यात आले. त्यानंतर सापाला सर्पमित्राने मोठ्या शिताफीने पकडले. एका बरणीमध्ये त्या सापाला बंदिस्त करण्यात आले. त्यानंतर पोलिसांनी सुटकेचा नि:श्वास सोडला. सर्व कर्मचाऱ्याने सर्पमित्राचे आभार मानले आणि पोलीस ठाण्यात आपापल्या कर्तव्यात पुन्हा गुंतले. एका सापामुळे मात्र जवळपास तीन तास पोलीस ठाण्यातील कामांचा खोळंबा झाला होता.
