बुलढाणा: वेदनांची तमा न बाळगता कॅन्सरग्रस्त रुग्णाने बजावला मतदानाचा हक्क

लाखोंच्या संख्येतील पदविधरांची नोंदणी संदर्भात आणि मतदार असताना मतदानासाठी असलेली निष्क्रियता या निराशाजनक पार्श्वभूमीवर येथील कॅन्सरग्रस्त रुग्णाने वेदनांची तमा न बाळगता मतदानाचा हक्क बजावला.प्रशांत कुळकर्णी असे या मतदाराचे नाव आहे. बुलढाणा शहरातील रहिवासी असलेल्या कुलकर्णी यांनी स्थानिय शिवाजी हायस्कुल मधील मतदान केंद्रावर पहिल्याच टप्प्यात म्हणजे सकाळी १० वाजताच्या आसपास मतदान केले. मतदान केल्यावर प्रसिद्धी माध्यमासोबत बोलताना आपली व्यथा व्यक्त करतानाच जिल्ह्यातील मतदारांना बहुसंख्येने मतदान करण्याचे आवाहनही त्यांनी केले.