बुलढाणा: दोन एकर सोयाबीनवर फिरवला ट्रॅक्टर; हुमणी अळीमुळे शेतकऱ्याने उचलले टोकाचे पाऊल

खामगाव तालुक्यातील आंबेटाकळी येथील श्रीकृष्ण कवळकार या अल्पभूधारक शेतकऱ्याने वैफल्यग्रस्त होऊन आज दुपारी हे पाऊल उचलले. पावसाची सुरुवातीपासून अवकृपा, त्यातच मागील किमान पंधरा दिवसांपासून दिलेली उघडीप, पाऊस न येण्याची चिन्हे यामुळे ते निराश झाले होते. हे कमी म्हणून की काय, शेतातील सोयाबीन पिकावर मोठ्या प्रमाणात हुमणी अळीचा प्रादुर्भाव झाला. यामुळे पावसाभावी वाढ खुंटलेले सोयाबीन पीक वाळत होते. त्यामुळे श्रीकृष्ण कवळकार या अल्पभूधारक शेतकऱ्याने आपल्या शेतातील उभ्या सोयाबीन पिकावर ट्रॅक्टर फिरवून या पिकात जनावरे घातली.

हेही वाचा – मांज्यामुळे जायबंदी झालेला ‘ब्लॅक ईगल’ नैसर्गिक अधिवासात मुक्त; पायाला रिंग लावून घेतली भरारी..

हेही वाचा – अमरावती : रक्‍कम परत मिळवून देण्‍याच्या नावावर ९४ हजारांनी गंडविले; ‘हे’ ॲप मोबाइलमध्ये इन्स्टॉल केले अन्..

हुमणी अळीचा प्रादुर्भाव झाल्यानंतर अनेकदा फवारण्या करूनही अळी आटोक्यात आली नाही. यामुळे छातीवर दगड ठेवून हे पीक उपटून फेकल्याचे कवळकार यांनी सांगितले.