चंद्रपूर : मुंबईतील घटनेनंतर शासकीय अभियांत्रिकी महाविद्यालयाच्या मुलींच्या वसतिगृहाची पाहणी करण्याचे आदेश

अकोला येथील रहिवासी असलेली मुलगी मुंबईत अभियांत्रिकीचे शिक्षण घेत होती. सावित्रीबाई फुले वसतिगृहात ती वास्तव्याला होती. तिथे तिच्यावर अत्याचार झाला, त्यानंतर निर्घृण हत्या करण्यात आली. या दुर्देवी घटनेचे संपूर्ण राज्यात पडसात पडले आहेत. दरम्यान उच्च व तंत्रशिक्षण विभागाने या घटनेनंतर राज्यातील सर्व अभियांत्रिकी महाविद्यालयातील मुलींच्या वसतिगृहाची पाहणी करण्याचे आदेश निर्गमित केले आहे. या आदेशानुसार आज शुक्रवारपासून शासकीय अभियांत्रिकी महाविद्यालयात मुलींच्या वसतिगृहाची पाहणी संयुक्त समितीव्दारे केली जात आहे. चंद्रपूरच्या शासकीय अभियांत्रिकी महाविद्यालयात पोलीस अधिकारी लांबट, दोन महिला पोलीस अधिकारी तथा शासकीय अभियांत्रिकी महाविद्यालयाचे प्रभारी प्राचार्य सुदर्शन बुटले, प्रा,राजेश पेचे, प्रा,पाटील, मुलांच्या वसतिगृहाचे निरीक्षक लोकेश निखाते व मुलींच्या वसतिगृहाचे निरीक्षक प्रा.रेखा चहारे यांच्या समितीने वसतिगृहाची पाहणी केली. या पाहणीत मुलींच्या वसतिगृहात दोन ठिकाणी सीसीटीव्ही कॅमेरा बसविण्याची सूचना समितीने केली आहे. तसेच वसतिगृहाला संरक्षण भिंत करण्याची सूचनादेखील या समितीने केली आहे. ही समिती आता दर तीन महिन्यांनी वसतिगृहाची पाहणी करणार आहे.

आणखी वाचा

महिला, शेतकऱ्यांवर आश्वासनांची खैरात; मविआचा ‘महाराष्ट्रनामा’ जाहीर

Devendra Fadnavis Income : उपमुख्यमंत्र्यांची एकूण संपत्ती किती?…

चंद्रचूड यांच्या कार्यकाळात सत्तासंघर्षाचा निकाल लांबणीवर पडणे अतर्क्य ; सिंघवी

अन्वयार्थ : हजार कोटी सापडले, त्याचे पुढे काय झाले?

मराठावाड्यातील तीन मतदारसंघांत गुंडगिरीचा मुद्दा प्रचारात प्रभावी

“मरेपर्यंत पस्तावशील, हे लोक तुला…”, भाजपा आमदाराची भर सभेत अरेरावी; प्रश्न विचारणाऱ्यांना कार्यकर्त्यांनी हुसकावलं

मुख्यमंत्र्यांच्या मतदारसंघात काँग्रेसच्या बंडखोराला दोन ते तीन कोटी, काँग्रेसचे जिल्हाध्यक्ष विक्रांत चव्हाण यांचा गंभीर आरोप

सागर मेघेंवर बंधूसह अन्य दोघांची जबाबदारी; हिंगण्यात हजेरी पण वर्धा, देवळीत प्रतीक्षाच

हेही वाचा – चंद्रपूर जिल्हा मध्यवर्ती बँकेत आर्थिक अनियमितता; बँकेच्या अध्यक्षांचा ‘हा’ आहे दावा

वसतिगृहात वास्तव्याला असलेल्या मुलींची नोंद, त्यांचे आधार कार्ड, स्थायी पत्ता, मोबाईल नंबर यासोबतच वसतिगृह सोडताना त्यांना कुठे जात आहे याचे कारण सांगावे लागणार आहे. केवळ मुलींच्याच नाही तर मुलांच्या वसतिगृहाचीदेखील पाहणी यावेळी केली गेली. दरम्यान या समितीने खासगी अभियांत्रिकी महाविद्यालयातील वसतिगृहाचीदेखील पाहणी करावी अशीही सूचना समोर आली आहे. या समितीने वसतिगृहाची पाहणी केल्यानंतर तात्काळ अहवाल शासनाला पाठविला आहे.