गोंदिया : राष्ट्रीय महामार्ग ठरतोय मृत्यूचा सापळा! साकोली- शिरपूरदरम्यान खड्डेच खड्डे; अपघातांचे सत्र सुरूच

राष्ट्रीय महामार्गावर मोठ-मोठे जीवघेणे खड्डे पडले आहेत. अनेकदा या मार्गावर किरकोळ अपघातही झाले आहे. मात्र संबंधित विभाग निद्रावस्थेत असल्याचे दिसत आहे. तर लोकप्रतीनिधी जनतेच्या समस्यांकडे दुर्लक्ष करून केवळ एकमेकांची उणीधुनी काढण्यात व्यस्त आहे. ही शोकांतिका आहे. रस्त्याची दयनीय अवस्था व खड्ड्यांनी प्रवाशांना जीव मुठीत घेऊन प्रवास करावा लागत आहे. अनेक ठिकाणी एका बाजूने रस्ता बंद आहे, तर दुसऱ्या बाजूचे केवळ एक लेन सुरू असल्याने वाहन चालकांची मनस्ताप होत आहे. मुरदोली घाटात व फाट्याजवळ मोठे खड्डे पडले आहेत. या ठिकाणी सतत अपघात होत आहेत. काही दिवसांपूर्वी या राष्ट्रीय महामार्गावर बाप लेकांना अपघात जीव गमवावा संबधित लागला. तरी देखील रस्ता बांधकामाचे कंत्राट असलेल्या कंपनीने तत्काळ काम करण्याची दखल घेतली नाही.यावरून प्रशासन जीवघेण्या अपघाताची प्रतीक्षा करीत आहे का, असा संतप्त प्रश्न नागरिकांनी उपस्थित केला आहे. कंत्राटदार कंपनीच्या ढिसाळ कारभारामुळे व स्थानिक संबधित विभागाच्या निष्काळजीपणामुळे या महामार्गावर जीव मुठीत घेऊन प्रवास करण्याची नामुष्की ओढवली आहे.

आणखी वाचा

चंद्रपूर : आठ महिन्यांच्या वाघाचा मृतदेह आढळल्याने खळबळ

बुलढाणा : खळबळजनक! राष्ट्रवादीच्या तालुकाध्यक्षांवर प्राणघातक हल्ला

कुनोत पुन्हा एकदा पाळणा हलला.. मादी चित्ता ‘निरवा’ने..

अलीम पटेल यांना चक्क ५४ हजार मते; कशी साधली किमया…

रेल्वेमंत्री अचानक पोहोचले दीक्षाभूमीवर… निवडणुकीआधी त्यांचा…

निकालाच्या एक दिवसाआधी राजकीय संन्यास; पण, पक्ष विजयी होताच माजी आमदाराने…

ताडोबातील ‘झीनत’ सिमिलीपालच्या जंगलात पोहोचली…

चिमुकल्याला झाडामागे फेकून आई झाली पसार… अंगावरील जखमांना मुंग्या…

हेही वाचा >>>पुरुषांच्या तुलनेत महिलांमध्ये मानसिक आजार जास्त; ‘इन्स्टिटय़ूट ऑफ मेंटल हेल्थ’च्या सर्वेक्षणातील निष्कर्ष

जागो-जागी खड्ड्यांचा त्रास

देवरी कोहमारा मार्गाने गरोदर महिला, रुग्ण, वेळेत रुग्णालयात पोहोचत नसल्याने त्यांच्या जिवाला धोका निर्माण होतो. मोटारसायकलस्वार घसरून पडून जखमी होताहेत. खड्यात बस फसत आहेत. तर वाहनांमध्ये सतत बिघाड होऊन खिशाला कात्री बसत असल्याच्या अशा तक्रारी व ओरड वाहन चालकांमधून होतेय. आणखी किती निष्पाप जीव गेल्यावर या मार्गावरील उड्डाणपूलाचे बांधकाम पूर्ण होईल, की प्रशासन एखाद्या मोठ्या अपघाताची वाट तर पाहत आहे का, असाही प्रश्न उपस्थित केला जात आहे.