अमरावती : अश्लील छायाचित्रे प्रसारीत करण्‍याची धमकी देत मागितली खंडणी

अध्ययन चव्हाण (रा. कानपूर, उत्तरप्रदेश) असे गुन्हा दाखल करण्यात आलेल्या आरोपीचे नाव आहे. कोतवाली ठाण्याच्या हद्दीत राहणाऱ्या व्यावसायिकाच्या मुलीची व आरोपीची समाज माध्‍यमावर ओळख झाली होती. मात्र, त्यानंतर अध्ययन तिला त्रास देऊ लागला. त्यामुळे तिच्या व्यावसायिक वडिलांनी १५ डिसेंबर २०२३ रोजी अध्ययनशी मोबाइलद्वारे संपर्क साधला. त्यावर तुमच्या महिला नातेवाईकाची व माझी खासगी छायाचित्रे माझ्याकडे आहेत. ती छायाचित्रे प्रसारीत होऊ द्यायचे नसतील, तर दहा दिवसांत ५ लाख रुपये देण्याची मागणी त्याने केली. न दिल्यास ती छायाचित्रे समाज माध्‍यमांवर प्रसारीत करण्याची धमकी त्याने दिली. त्याला समजविण्याचा प्रयत्न केल्यावर त्याने त्यांना शिवीगाळ केली.

आणखी वाचा

“पंतप्रधान मोदी म्हणजे ‘झुटों के सरदार’, त्यांनी हेच लाल संविधान…”; ‘त्या’ टीकेला मल्लिकार्जून खरगेंचं प्रत्युत्तर!

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

‘बॉम्ब’चा टोमणा मुलीला महागात पाडला, विमानतळावर उडाली खळबळ; मेटल डिटेक्टरच्या आवाजामुळे गोंधळात भर

‘डिलिव्हरी बॉय’कडून मुलीशी अश्लील कृत्य; पसार झालेल्या आरोपीचा शोध सुरू

मुलांना जिवे मारण्याची धमकी देऊन महिलेवर सामुहिक बलात्कार; स्वारगेट पोलिसांकडून तिघांविरुद्ध गुन्हा

पुन्हा धमकी, पुन्हा बिश्नोई गँग; सलमान खानच्या नावाने मुंबई पोलिसांना आला संदेश!

Delhi High Court : वकिलाकडून न्यायमूर्तीवर अपमानास्पद टिप्पणी; दिल्ली उच्च न्यायालयाने सुनावली चार महिन्यांची शिक्षा

दाऊद, लॉरेन्स बिष्णोईचे टीशर्ट विकणाऱ्यांवर गुन्हा दाखल; महाराष्ट्र सायबर पोलिसांची कारवाई

हेही वाचा…चंद्रपूर : लोहखनिज वाहतूक करणाऱ्या ट्रकने तिघांना चिरडले, अपघातानंतर चालक पसार

अध्ययन समजण्याच्या मानसिकतेत नसल्याने मला तुझ्या आईशी बोलायचे आहे, असे व्यावसायिकाने म्हटले. त्यावर अध्ययनने एका महिलेजवळ आई म्हणून मोबाइल दिला. तुमचा मुलगा अत्यंत चुकीचे वागत आहे, त्याला समजून सांगा, अशी विनंती त्यांनी केली. त्यावर त्या महिलेनेदेखील ‘मेरा बेटा जैसे बोल रहा है, उतने पैसे लाकर दे दो, फिर मै उसको बोलती हू. नही तो वह फोटो व्हायरल कर देगा’, अशी धमकी त्या महिलेने दिली. मोबाइलवर बोलत असतानाच अध्ययनने व्यावसायिकाच्या पुतण्याच्या समाज माध्‍यमावरील आयडीवर त्यांच्या काही अश्लील छायाचित्रे पाठविली. पाच लाख रुपये न दिल्यास ती समाज माध्‍यमांवर प्रसारीत करेल, अशी धमकी त्याने दिली. त्यानंतर अध्ययनने व्यावसायिक व त्यांच्या मुलीला वारंवार फोन करून धमक्या दिल्या. अध्ययननचा त्रास वाढत चालल्याने व्यावसायिकाने अखेर कोतवाली ठाण्यात तक्रार दाखल केली.