नागपूर : संतापजनक! चाॅकलेटचे आमिष दाखवून तीन वर्षाच्या मुलीवर बलात्कार | A three year old girl was raped by luring chocolate

एका ४५ वर्षीय व्यक्तीने चाॅकलेटचे आमिष दाखवून शेजारी राहणाऱ्या तीन वर्षीय मुलीला घरी बोलावले. त्यानंतर तिच्यावर बलात्कार केला.

प्रतिनिधिक छायाचित्र/लोकसत्ता

नागपूर : वाठोडा पोलीस ठाणे हद्दीत राहणाऱ्या एका ४५ वर्षीय व्यक्तीने चाॅकलेटचे आमिष दाखवून शेजारी राहणाऱ्या तीन वर्षीय मुलीला घरी बोलावले. त्यानंतर तिच्यावर बलात्कार केला. या घटनेमुळे परिसरात खळबळ उडाली. नरेंद्र धनराज वाढरे (४५) असे आरोपीचे नाव आहे. त्याला पोलिसांनी अटक केली आहे.

पोलिसांच्या माहितीनुसार, पीडित मुलीचे कुटुंब आरोपीच्या शेजारीच भाड्याने राहतात. नरेंद्रने शुक्रवारी दुपारी घरात कोणी नसल्याचे निमित्त शोधत मुलीला चाॅकलेटचे आमिष दाखवून घरात बोलावले. त्यानंतर त्याने मुलीवर बलात्कार केला. मुलीने झालेला प्रकार आईला सांगितल्यावर हा प्रकार पुढे आला. कुटुंबीयांनी तातडीने वाठोडा पोलीस ठाणे गाठत तक्रार दिली. पोलिसांनी गुन्हा दाखल करून आरोपीला अटक केली.

आणखी वाचा