खळबळजनक! नोकरीसाठी नागपुरात आलेल्या महिलेवर ‘गँगरेप’

सकाळी शुद्धीवर आल्यानंतर बलात्कार झाल्याचे महिलेच्या लक्षात आले. याप्रकरणी महिलेच्या तक्रारीवरून दोघांवर सामूहिक बलात्काराचा गुन्हा दाखल करण्यात आला. रत्नदीप ऊर्फ पिंटू गजभिये (३९), रा. रमना मारोती आणि कार्तिक चौधरी (५०), रा. बिनाकी लेआऊट अशी अटकेतील आरोपींची नावे आहेत.

हेही वाचा… नागपूर: बहिणीच्या प्रियकराचा चाकूने भोसकून खून

पोलिसांकडून मिळालेल्या माहितीनुसार मध्यप्रदेशच्या सिहोरमध्ये राहणारी ३२ वर्षीय महिला घटस्फोटित आहे. तिला दोन मुले आहे. तीन वर्षांपूर्वी फेसबुकवर पिंटूशी तिची मैत्री झाली. तेव्हापासून दोघांमध्ये चॅटिंग सुरू होती. महिला नोकरीच्या शोधात होती. पिंटूने तिला नागपुरात नोकरी मिळाल्याचे सांगितले.

हेही वाचा… लाचखोरीत महसूल आणि पोलीस विभाग अव्वल! नाशिक पहिल्या तर पुणे द्वितीय स्थानावर

२१ जूनला महिला बसने मध्यप्रदेश बसस्थानकावर आली. पिंटू आणि कार्तिकने तिला नोकरीसाठी कार्यालयात नेण्याचा बहाणा केला. रस्त्यात शीतपेयामध्ये गुंगीचे औषध मिळवून तिला पाजले. त्यानंतर महिलेला उमरेड मार्गावर डोंगरगाव परिसरातील एका रिसॉर्टमध्ये घेऊन गेले. बेशुद्धावस्थेत दोघांनीही तिच्यावर सामूहिक बलात्कार केला. दुसऱ्या दिवशी महिला शुद्धीवर आली. तिने जाब विचारला असता पिंटूने तिला ठार मारण्याची धमकी दिली. तिला दिघोरीमध्ये एका मैत्रिणीच्या घरी सोडून ते दोघे पसार झाले. महिलेने सीताबर्डी पोलीस ठाणे गाठले. पोलिसांनी तक्रार दाखल करून गुन्हा नोंदविला आहे.